Isiyaasi 25:8 - Kafa Linguistics Project

⁸ Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 25:8 ပူးပေါင်းရင်းမြစ်များ

Shoddo 116:8

Ne, ta kashoon qitoochee ta aafoon acimoochee, ta baatoon tepheyoochee, wodiihine.

Shoddo 69:9

Ne kechi qanaato taan michiye; neen boonoshi naaggiibeeti naago ta toommooch kindiye.

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 37:3

Boonoshiyoo hammiꞌi, Isiyaasich “Hiziqiyaasi ishichitone: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa, agaatoyich hakkoo guuteeti maacheen shaahito noone.

Isiyaasi 51:11

Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 31:16

Doono Yeeri ishichiye: “Eefoochee ne qaaroon acimoochee ne aafoon quyebe; ne aayo duube echeyaachemmone” iye Doono Yeeri. “Ne bushiisheenaꞌo ettoochi showoochee wotteree woyemminaꞌone.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

1 Qorontoosi 15:26

Arooba yiikketaa aallemmi ciireexi shixecho qitoone.

1 Qorontoosi 15:54

Hini oqqemmi ashittino oꞌaachemmon bi tahehooba, hini qitemmi ashittino qitaachemmon bi tahehooba, “Qitoo wudee danoona qoochehe” getaa kooreeto ceennemmone.

2 Ximootiyoosi 1:10

Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.