Isiyaasi 25:6 - Kafa Linguistics Project

⁶ Beshe Mawe Doono Yeeri, hini Tsiyooni guudooch aagetoo bullich oogeti gifiroon qanniyemmone; ebi gifirooch gaaweti, awuyi meenonaa gaawe woyinee uyoonon qanniyemmone.

Isiyaasi 25:6 ပူးပေါင်းရင်းမြစ်များ

Shoddo 36:8

Ne kexeexi beshaa beshe maayoochee gifiroon maaheete; emirikkiibeeti ne aacoochee boonoshi uchemmoyich tuniihine.

Shoddo 63:5

Awuyonaa qefoonon maaꞌi miyoommon, ta kashe neenna digaayehane; ta noonoo galletee shoddoon emiroona neech shoddemmone.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Solomooni 1:2

Ne shunoo woyinee uyoyee beshoone; wochi wochi taan shumbe.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 25:10

Doono Yeerichi kishoo hini guudi toommooch tunemmone; tunebaani Moꞌabee asheenaꞌo buyo dengooch gedaa koteyoommon koteyemminaꞌone.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Erimiyaasi 48:11

“Moꞌabi, woyinee uyee dechiich koteti shicoommone; bi bushittinoochee tiijjiꞌi maggoone; qiicoochee qiicooch woneyaanoone; kecceꞌinoo hamaanoone; ebich bi shaawo bacceyaanoone; bi cinnoo baraanoone.

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Maatiyoosi 26:29

Andoo ittoshich gettoye: Ta Nihoochi taatittineechaa ittoshina tookki hini woyinee aafoochee andiroon ta uchemmi aabee wottoon hini woyinee uyoochee guttinnoon uyaachemmo taane” iye.

Maatiyoosi 8:11

Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Luqaasi 5:39

Kachiti woyinee uyoon uchii doyiichii gaare uyoon qaawiibeeto koniyoona aalloone; ebiyoo ‘Kachiti woyinee uyo shaawone’ bi ii beetoyichiye” iye.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.