Isiyaasi 25:2 - Kafa Linguistics Project

² Katemoon xaqqee gutoon tuniito neene; mishigechi katemoo happee aallemmoyich tuniito neene; no etteenaꞌochi taatee kexo ebiyee bekk beetaachemmone; ciroona wochinnoon shuuneyaachemmone.

Isiyaasi 25:2 ပူးပေါင်းရင်းမြစ်များ

Iyoobi 12:14

Yeeri happiton koniyoona hagon hakkaache; bi cuchii hicciton koniyoona qechii kichoon hakkaache.

Isiyaasi 13:20

Shiijjeroochee shiijjerooch beddaahaa arooch kotemmo ciroona beetaachemmone; Araboo bi duukkaanoon arooch xogaachemmone; qiddeenaꞌo arooch boonoshi bageenaꞌon quyeyaachemminaꞌone.

Isiyaasi 13:21

Barahee cooxinaꞌo arooch miqqemminaꞌone; yuyeenaꞌo boonoshi kexooch ceennemminaꞌone; shaakkeenaꞌo arooch beeyemminaꞌone; barahee emmisheenaꞌo aroochaa capphemminaꞌone.

Isiyaasi 13:22

Boonoshi dilaaleenaꞌoochaa qaccemmoo qaaddemmone; gaawe boonoshi goddemeenaꞌoochaa boqqello uukkemmone; bi aallee aabo shaggitone; bi yemeeno ciiretone” iye.

Isiyaasi 14:23

“Baabloonin caayo beeyi xaaꞌoon, aachi taappoon tuniyemmo taane; hidii aalliibeeti kawoona hidi aalliyemmo taane” iye Beshe Mawe Doono Yeeri.

Isiyaasi 17:1

Damaasiqichon Doono Yeer waanee getteeti wocho ebine: “Ebiyoche, Damaasiqi ebiyee bekk katemoo bi tuno echemmone; happeeree xaqqee gutoon tunemmone.

Isiyaasi 17:3

Mishigeenaꞌo Efreem waanee, taatittino Damaasiq waanee wokkemmone; Sooriyee cureenaꞌo Israꞌeeleenaꞌochoommon cooneetinaꞌon tunemminaꞌone” iye Beshe Mawe Doono Yeeri.

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 23:13

Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.

Isiyaasi 24:10

Happeeti katemee shokkoon echahane; koniyoona giyaachemmoyich, kexo bulli hichehe.

Isiyaasi 25:12

Moꞌabichi mishigeenaꞌon genje bi uxeroona tookki happemmone; tiishiree buttoon tuniyemmone.

Isiyaasi 26:5

Geecechinaꞌon giishiyemmone; coonniti katemoon cooniyemmone; happiree, buttoon tuniyemmone;

Isiyaasi 27:10

Mishigechi katemoo onoo tunee echehe; amolla aalli barahoommon tunetone; maamo arooch gaaxiye; aroochoo miqqehe; bi atoonoo hoqqii maahe.

Isiyaasi 32:14

Taatee kexo onoo tunemmone; asho ceenniti katemoo aqqemmone; geppoonaa dilaaloona happaa bulli yemeenooch aallemmone; kubbi kureenaꞌonaa gijjeenaꞌona bahemmi gaddoon tunemmone.

Isiyaasi 32:19

Baderoo kubboon bi yexxitaanona, katemoo bi giishetaanona,

Isiyaasi 34:13

Boonoshi taatee kexooch angixo, boonoshi mishigoochoo shimbirikkoonaa guccinona collemmone. Boqqelloonaa shaakkeenoyich beemi xaaꞌoo tunemmone;

Isiyaasi 37:26

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Erimiyaasi 51:26

Guummo tunemmi xaqqoonaa hecoo tunemmi xaqqoona ne waanee daneyaachemmone; bulli aabooch shokkoon echemmo neene” iye Doono Yeeri.

Erimiyaasi 9:11

Doono Yeeri ishichiye: “Yerusaalemi katemoon buricee gutoo, boqqelleenaꞌo gofo tuniyemmo taane; Yihudee katemeenaꞌonoo asho goojjiti xaaꞌoon tuniyemmo taane” iye.

Yibbaatoo 13:16

Areexi asheenaꞌochi qiico bullin deebiree katemee addibaabooch gutibote. Timeeti mooyinaꞌo daggoochee amoonolla ittoshi kishooch echiyaahote. Ittoshi Nuggishoo Doono Yeerich micciibeeti deejjoon tuniiree, are katemoonaa ebi qiiceenaꞌo bullinon qaaqqoona michibote. Are katemoo bulli yemeenoon happaa aalleton tunebaani, wochinnoon shuuneyaaye. Ebina Doono Yeeri kupphe bi kaaroon qayi wottemmone; ittoshichoo ariqqemmone; ittoshi qaabbechinaꞌoyich wogeꞌi bi gibenikkitoommon, shiyi shiijjereree ittoshi meettemmoyich tuniyemmone.

Yaaꞌoo 18:19

Buttoon boonoshi shimbooch shahiree eefi muushenebee ishichi cookemminaꞌone: ‘Giixoyich baharoon markaboona kimmii beetinaꞌo bullin bi gaannoona gaanniiti hini ooge katemeech woowo! Diqqoona bekkech aallehane!’ geti cookemminaꞌone” iye.