Isiyaasi 25:11 - Kafa Linguistics Project

¹¹ Aachi waakkecho bi kishoon bi yaggoommon boonoshi kishoon aree daggoochaa yaggemminaꞌone; tunebaani Doono Yeeri boonoshi geecoon boonoshi maroona tookki giishiyemmone.

Isiyaasi 25:11 ပူးပေါင်းရင်းမြစ်များ

Iyoobi 40:11

Geecoona kaama ciixee beetinaꞌon ciiniree giishiibe; ne kaaree shiixxoonoo boonoshi toommooch kindiibe.

Shoddo 2:5

Aroochee kaaree shiixxoona boonoshich yibbaatemmone; oogeti kaaroona boonoshin keqqichemmone.

Isiyaasi 10:33

Ebiyoche Doono, Beshe Mawe Doono Yeeri, ooge bi giidoona michi qaakkoon kuxi bajjemmone; neexoon genjeti, kaama qaalliti mixinaꞌon kuxi bayiree giishiyemmone.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 14:26

Showoo bulliich gabeeti gaboo ebine; aageteenaꞌo bulli toommoochoo tiyiti mochoo hinine.

Isiyaasi 16:14

Tunebaani and Doono Yeeri ishichiye: “Shuunooch giyiti asho shuunee aaboon bi haddoommon, Moꞌabich oogoonaa dofee bi ashoona haddeeti keejje nati daggooch giishemmone; giisheche ashoonaa hakka guutoona baach echemmone” iye.

Isiyaasi 16:6

Yihudee asheenaꞌo ishichemminaꞌone: “Moꞌabeenaꞌo am shaahe geecechinaꞌo gaata, boonoshi geecii cunnennoon, boonoshi coodonoo waayeto noone; boonoshi kokkoroo duuboone” gettemminaꞌone.

Isiyaasi 2:10

Doono Yeerichi shattiyoonaa bi oogee yiiroonoochee tiyitona xaqqee gofooch, showee daggooch aashebote.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:15

genje dilaaleenaꞌo bullin, manje xaqqee uxereenaꞌo bullin,

Isiyaasi 25:5

baraheexi gaamoommon, bi tunetoyichiye. No etteenaꞌochi cookoon haweccaayihine; quboo yiireꞌi gaamoon bi aqqaayoommon, maacmanjeenaꞌochi qaaroon cikkaayihine.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 53:12

Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Erimiyaasi 48:29

Oogichiꞌi Moꞌabi geecoon, bi yebenoon, kaama bi ciixoon, bi coonderoon, bi miyonoo waayeto noone.

Erimiyaasi 48:42

Moꞌabi Doono Yeeri toommooch bi geecitoyich aallemmone; ebiyee bekkoo aagetoon tuneyaachemmone.

Erimiyaasi 48:47

“Tunebaani ciiree yemeenooch Moꞌabichi kecoon wochemmo taane, iye Doono Yeeri” iye. Moꞌabi toommooch maacheti nalloo ebi wottoone.

Erimiyaasi 51:44

Baabloonee nuggishoo Beelin naxemmo taane; bi qooxxiton aaphiyemmo taane; ebiyee bekk aageteenaꞌo arooch oriheyaachemminaꞌone. Baablooni xaqqee uxeroo dihemmone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.