Isiyaasi 25:1 - Kafa Linguistics Project

¹ Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 25:1 ပူးပေါင်းရင်းမြစ်များ

Shoddo 111:4

Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

Shoddo 118:28

Ne, ta Nuggishoo neene; neen galletemmo taane; ne ta Nuggishoo neene; neen oogiyemmo taane.

Shoddo 145:1

Ta Nuggishoo ta Taatoocho, neen oogiihoye; ne shigoon bulli yemeenoon galletehoye.

Shoddo 146:2

Ta kashee yemeeno bulliich, Doono Yeerin galletemmo taane; kashoona ta beemmi yemeeno bullin, ta Nuggishoyich shoddemmo taane.

Shoddo 31:15

Ta kasho bi beeto ne kishoochiye; taan duꞌiibeeti, ta etteenaꞌo kishoochee taan wodiibe.

Shoddo 40:5

Ta Nuggishoo Doono Yeero, nooch ne tuniiti worganikkiti mooyo woddoone; neenoommo koniyoona aalloone; nooch gaawe mooyon gabito neene; aroon “Awaajji yibbaatebane” ta itaanona haddaa ciyaani woddoone.

Shoddo 40:6

Deejjoonaa buuroonon qaawaano neene; micciibeeti deejjoonaa axaaxee deejjoonon qaawaano neene; tunebaani neechon ta waayemmi waamon taach immehine.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 75:2

Yeeri ishichii beetone: “Ta nallemmi aaboon maacceto taane; ebiyooba tachiree nallemmo taane.

Shoddo 78:4

Ebinoo no bushiisheenaꞌoyich aachaachemmo noone; Doono Yeeri tuniiti worganikkiti mooyon, bi hakkoonaa gaakkechi shuunoonon woyemmi shiijjeroyich gettemmo noone.

Shoddo 89:1

Doono Yeero, ne shoodoon bulli yemeenoon shoddemmo taane; ne gibeneyoon ta noonoona shiijjeroo bullich awaajjemmo taane.

Shoddo 98:1

Worganikkiti mooyinaꞌon bi tuniitoyich, bi qanne kishoonaa yaafe bi mochoona wudoon biich bi daniitoyich, Doono Yeerich andire shoddoon shoddebote.

Shoddo 99:5

No Nuggishoo Doono Yeerin galletebote; bi baatee dechiich goyinnebote. Bi yaafoone!

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Isiyaasi 11:5

Cadiqittinoon bi shimetooch cuyemmone; gibeneeto tuno bi naabee buroon tunemmone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 26:13

No Nuggishoo Doono Yeero, neyee bare dooninaꞌo noon hajjitinaꞌone; tunebaani no, ne shigoon baach oogiihone.

Isiyaasi 26:8

Doono Yeero, ne sheeroon quyoona neen gibenehone; no mullee qaatoo, ne shigoon aricheto tuniyoone.

Isiyaasi 28:29

Ebi bulli mooyo bi waabeeto, Beshe Mawe Doono Yeer waaneeniye; biyoo ciicoona worganeeto, shalligoonoo beshoone.

Isiyaasi 40:27

Yaaqobo, Israꞌeelo, amoyich “Ta gommo Doono Yeerich aacheetone; ta dayinnetoonoo ta Nuggishoo aaxxiyaache itone” inne?

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Isiyaasi 46:11

Aabi-keyo waanee yechiibeeti booyoommon, wohi showoochee ta daaggoon ceechemmi ashoon, ceeggemmo taane; getteto taane; ceechemmo taane; gabito taane; tuniyemmo taane.

Isiyaasi 49:4

Tunebaani ta “Duuboon aajjoye; gaacaalli duuboyich ta giidoon ciichiyoye; tunetaa, ta mooyo Doono Yeer waaniye; ta aayi gatiyoo ta Nuggishoo waaniye” iyoye.

Isiyaasi 49:5

Doono Yeeri aafoochaa oogoon daneto taane; ta Nuggishoo taach giidoon tunetone; batt ta indee maacooch ta beetaa, bi guuno tuniiꞌi taan kaacciti, Yaaqobin bi waan ta deebemmoyich, Israꞌeelin bi waan ta kicemmoyich tuniiti, Doono Yeeri ishichiye: “Yaaqobichi yoodeenaꞌon wochaa ne tiijjoo, muriccii woditi Israꞌeeleenaꞌon ne wochoo, ebi baach ta guuno neech bedaache; aageteenaꞌoyich neen ceechoo ta tuniitaa, showee toommo bulliich ta wodiyoon bechemmo neene” iye.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Yoꞌeeli 2:26

Ittoshi qettee wottoon maaree michemmo ittoshine; ittoshich worganikkiti shuunoon shuuneti, ittoshi Nuggishoo Doono Yeeri taan galletemmo ittoshine. Ta asheenaꞌo ciroona wochinnoon yeelleyaachemminaꞌone.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 7:12

“Ameena, galleto, oogee yiiroo, shalligoo, naadoo, oogo, giidoonaa hakkoona bulli yemeenoon no Nuggishoyich tunebe. Ameena” iyeete.