Isiyaasi 24:8 - Kafa Linguistics Project

⁸ Emiree kambo echetone; kashkuxe emiree cookoo neexetone; emirikkiibeeti ooge ximboo echetone.

Isiyaasi 24:8 ပူးပေါင်းရင်းမြစ်များ

Iyoobi 3:7

Ebi are xumooba wochinnoon bare bushoo xifeyaaye; arooba ililee qaaro waayeyaaye.

Iyoobi 30:31

Yexxaa kaachaa ta emiraabeeti ximboon eefoyich, shumburoonoo eeppii ayinoyich tuniito taane.

Shoddo 137:2

Aroochaa aachi gaꞌeexi mixooch ooge no ximbeenaꞌon kaqqehone.

Isiyaasi 16:10

Emiroonaa wucwucona aafeebeeti goyee budoochee wokkitone; woyinee budoochaanoo shoddoon shoddoonaa ililoona echetone; woyinee aafoon oppoochaa hiicciibeeto aalloone; boonoshi shoddee qaaroon Yeeri aalliitone.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Isiyaasi 5:14

Ebich maasho bi maacoon gamichii, haawutteꞌi boonoshin quyee beetone; Yerusaalemi ogoogeenaꞌonaa sharaareenaꞌonon aroochaa dullii cangechee beetinaꞌona tookki qooxxemmone.

Erimiyaasi 16:9

Israꞌeelee Nuggishoo Beshe Mawe Doono Yeeri ta ishichiyoye: Ittoshi aafooch, wottoo ittoshi yemeenooch, ililee qaaroonaa emiree qaaroonon, woꞌee kenoochi qaaroonaa woꞌeechi qaaroonon, hini xaaꞌoochee echiyemmo taane.

Erimiyaasi 25:10

Ebiyee wotta boonoshi waanee emiree qaaroonaa ililee qaaroonon, woꞌee kenoochi qaaroonaa woꞌee qaaroonon, maayi yiikkee qaaroonaa ceechee bekkoonon aalliyemmo taane.

Erimiyaasi 7:34

Showoo shokkoon echemmo bi tunetoyich, Yihudee katemeenaꞌonaa Yerusaalemi addibaaboonoochee ililee qaaroon, emiree qaaroon, woꞌeechi qaaroonaa woꞌee kenoochi qaaroonon aalliyemmo taane” iye.

Shoosho 5:14

Geeneenaꞌo iitee xaaꞌoochee wokkiyeete; gurimaasheenaꞌo shoddoon qajjiyeete.

Hiziqeeli 26:13

Ne duubbi dulloon cicirikkaayemmo taane; ne ooge ximbee qaaro ebiyee bekk waayeyaachemmone.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hosee'i 2:11

Bi emiree baareenaꞌon, nati baareenaꞌon, agenee keyi baareenaꞌon, shambeteenaꞌon, maacheti bi baareenaꞌo bullin echiyemmo taane.

Amootsi 6:7

Ebich kecooba ittoshi shiichoo tunemmo ittoshine. Ebina gifiroon geddii ittoshi mamonaa uyona arooba echemmone.

Yaaꞌoo 18:22

Ximboon yexxechinaꞌonaa shoddee qiicee ariyechinaꞌonochi qaaro, shametoonaa tiroonochi huggi qaaro, ebiyee bekk ciroona ne waanee waayeyaachemmone; kishee shuunee ariyecho ebiyee bekk ciroona ne waanee daneyaachemmone; maayoon yiikkeebeeti yiikke xaqqee qaaro ebiyee bekk ciroona ne waanee waayeyaachemmone.