Isiyaasi 24:3 - Kafa Linguistics Project

³ Bogaa aalleree showoo shokkoon echemmone; ebiyoo Doono Yeeri gettiti qaaro bi tunetoyich ceennemmone.

Isiyaasi 24:3 ပူးပေါင်းရင်းမြစ်များ

2 Kiinoo 36:21

Showoo shambetee kashee aaboon danehe; Erimiyaasina getteeti Doono Yeerichi qaaro ceennemmoyich, shabe nato ciiremmi wottoon, ashaalli xafo tuneꞌi bi beeti yemeeno bullin kashehe.

Isiyaasi 21:17

Qedaari yaroochee shangoon awureebeeti ginee anaamo echemmo giishechoone; Israꞌeelee Nuggishoo Doono Yeeri ta, ebin getteto taane” iye.

Isiyaasi 22:25

Beshe Mawe Doono Yeeri ishichiye: “Arooba gibeneeti xaaꞌooch xogeeti xuuree kaꞌo waaxeree hollemmone; arooch kaqqeti qiico bulli holli kawucemmone” iye; ebin gettito Doono Yeerine.

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 24:2

Asho bullichi ixoo ikke shaahoo tunemmone; asheenaꞌonaa qeesheenaꞌona, guuninaꞌonaa dooninaꞌona, gonneenaꞌonaa genneenaꞌona, kemee beetinaꞌonaa kemmii beetinaꞌona, erettii beetinaꞌonaa erettee beetinaꞌona, hiishechinaꞌonaa hiishee qochiyechinaꞌona, bulliyona ikke shaahoon tunemminaꞌone.

Isiyaasi 24:4

Showoo shuuqqiye; mocee waamo bulliyoo shoolliye; showee toommeexi ogoogeenaꞌo giidoo mucceheete.

Isiyaasi 42:22

Tunebaani hini asheenaꞌo bokkee bosheeꞌi, oppee maacooch hichetinaꞌone; cuyee kexoochoo aacheetinaꞌone; olleetinaꞌone; boonoshin wodiyemmo aalloone; kechetinaꞌone; “Wochibote” ito koniyoona aalloone.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Erimiyaasi 13:15

Doono Yeeri gettitoyich, waayebote; waamon tiijjiree ellebote; geeciyaahote.

Hiziqeeli 36:4

Israꞌeelee guudinaꞌote, Nuggishoo Doono Yeerichi qaaroon waayebote: Nuggishoo Doono Yeeri guudinaꞌonaa geppeenaꞌonoyich, woce aacinaꞌonaa bambeenaꞌonoyich, amolla aalli shokkaache xaaꞌeenaꞌoyich, ittoshi guudoona beeti eche aageteenaꞌo boggii cooneti, shokkaachoo tuneti katemeenaꞌoyichoo ishichii beetone.

Mikiyaasi 2:4

Ebiyooba asheenaꞌo ittoshin coonemminaꞌone; cooqqiribee ishichi shoosheminaꞌone: ‘Ciroona aalleto noone; no asheenaꞌo showoo qoodeetone; Doono Yeeri no showoon no kishoochee deqqiꞌi, noon keccitinaꞌoyich beshii immitone’ gettemminaꞌone” iye.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

Yibbaatoo 29:28

And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.