Isiyaasi 24:23 - Kafa Linguistics Project

²³ Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Isiyaasi 24:23 ပူးပေါင်းရင်းမြစ်များ

Shoddo 97:1

Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Keyo 15:21

Miiriyamiyoo “Oogoona beshii bi oogetoyich, hareshoonaa hareshechonon baharooch bi dichitoyich, Doono Yeerich shoddebote” iibee shoddoon boonoshich yaggahan.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 33:17

Ne aafeenaꞌo taatoon bi oogoona beeggemminaꞌone; wohooch yaggeeti showoon beeggemminaꞌone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 52:7

Diggee mishiraachoon deebiibeeti, wodeechon awaajjiibeeti, “Ne Nuggishoo taatemmone” iꞌi Tsiyoonich gettiibeeti, wocheyechinaꞌochi baateenaꞌo guudi toommoochaa am shaahoon gaaweheete!

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Isiyaasi 60:20

Ne aabe giyaachemmine; ne agene tahaachemmine; Doono Yeeri bulli yemeenoon ne ceechoo tunemmo bi tunetoyich, ne eeppi yemeeno ciiremmone.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Daaneeli 7:18

Boonoshiyee gubb Beshoo Yeerichi yaafeenaꞌo ebi taatittinoon deqqemminaꞌone; ebi taatittinoon bulli yemeenoochee bulli yemeenooch beddaahaa yechemminaꞌone” iye.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:15

Aabeenaa ageneena manderemminaꞌone; xojjeneenaꞌoo aaxxeyaache gettemminaꞌone.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Zakaariyaasi 14:6

Ebiyooba aqqoo woyee doshoo (caagibano) beetaachemmone.

Zakaariyaasi 14:7

Aroobee aabo, areddoonaa xumoona tuneyaani, kuxeyaani areddoo tunemmone. Ebi aabeechon ariibeeto Doono Yeerine. Xum bekko tunemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maatiyoosi 6:10

Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 14:1

Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.

Yaaꞌoo 19:6

Wochinnoon dofee asheenaꞌochi qaaroommi qaaro, ogooge aacinaꞌochi qaaroommi qaaro, giidechi xeeyee qaaroommi qaaroo ishichiꞌi bi getaa waayeho. “Haleluya! Beshe Hakkechi no Nuggishoo Doono Yeeri taatetone.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.