Isiyaasi 24:20 - Kafa Linguistics Project

²⁰ Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 24:20 ပူးပေါင်းရင်းမြစ်များ

Halloo 41:31

Miyi natinaꞌo hillooch woyemmi shaacee natinaꞌo oogeti kuppheenaꞌo boonoshi tunoochee tiyitona, shiichiꞌi besheti miyi natinaꞌon ciroona battiyemminaꞌone.

Iyoobi 12:25

Bekko aalli manderoona shafebee boonoshi hammemmoyich, masheti ashochoommon boonoshi tattellemmoyich, tuniihe.

Shoddo 107:27

Boonoshi aafo shaawee, masheti ashichoommon dadeddeheete; boonoshi ariyoo bulli duubehe.

Shoddo 38:4

Ta axaaxoo taan qooxxitone; oogichiꞌi taach maggetone.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 1:8

Tsiyooni maache bushee baach woyinee budooch beeti yambaaroochoommon, buqqee budooch beeti bashoochoommon (yambaaroochoommon), giicheti katemoommonoo shaahaa echetine.

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 38:12

Ta beeyi xaaꞌoo qiddeenaꞌochi duukkaanoochoommon, ta waanee waaxaa aallehe; ta kasheen qoreddee shippechochoommon qoddehoye; mahenoochee taan kuxxaa bajjehine; areddoon, xumoonoo taan aalliihine.

Isiyaasi 43:27

Qaabbechi ne nihoo axaaxoon shuunehe; ne ukkireenaꞌoo ta sheeroon shaaddeheete.

Isiyaasi 66:24

“Keyi hamibee ta toommooch hukkoon shuuneti asheenaꞌochi dubenoon beeggemminaꞌone; boonoshi hipperoo qitaachemmone; boonoshi qaaqqoo tahaachemmone; meeno taheto bullina ciigeyemmone” iye.

Erimiyaasi 25:27

“Aroochee boonoshich ishichibe: ‘Israꞌeelee Nuggishoo Beshe Mawe Doono Yeeri ishichiye: Ittoshi daggooch ta deejjemmi goraadee naboona, uyote; mashebote; cooyote; ebiyee bekk tiyaachemmon tuneree dihibote’ gete.

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Erimiyaasi 51:29

Baabloonin koniyoona koteyaachemmi shokkoon tuniyoyich, Doono Yeeri gabito Baablooni toommooch ceennemmo bi tunetoyich, showoo shuuri qewemmone.

Erimiyaasi 8:4

“Boonoshich, Doono Yeeri ishichiye, gete! Dihiti asho wochinnoon tiyaanoone? Muriccito wotteyaanoone?

Shoosho 1:14

“Ta axaaxoo, waanjoochoommon ta qettooch xandeetone; bi kishoona ta qettooch haxxii xanditone. Ta giidoo qajjemmoyich tuniihe; ta etteenaꞌo kishooch Doono taan beshii immiꞌi, boonoshi aafooch hakka guutoo taan tuniihe.

Daaneeli 11:19

Bi showooch beeti xaqqee uxerechi katemeenaꞌooch wottemmone; tunebaani tepheeree dihemmone; arooba bi ciiro tunemmone.

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Naahoomi 1:5

Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Yaaꞌoo 18:21

Arooba ikke giidechi maraakoo ooge yiikke xaqqoommi xaqqoon tiijjiꞌi baharee daggooch ishichiibee duppiye: “Ooge katemee Baabloonin Yeeri ebiyoommon oogeti giidoona dufi aalliyemmone; ebiyee bekk ciroona daneyaachemmine.