Isiyaasi 24:18 - Kafa Linguistics Project

¹⁸ Hukkee qaaroochee tiyitona woccimmo, oppooch dihemmone; oppoochee kechimmo, ollooch yecheyemmone; ebiyoo shimaajji mallee kello bi qecheetoyich, showee kotoo bi shuuritoyichiye.

Isiyaasi 24:18 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Halloo 7:11

Noohi shiijjeti shiritte balle natooba, guttinnee agenee aaraa shabaattinnee qemooba, showee ducheexi, ooge aachi xuupho bulli borihehe; shimaajji kelloo qecheehe.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

Iyoobi 20:24

Xuuroochee shuuneeti ginee qiicoochee bi muriccitaa, gooshoochee shuuneeti shango biin kochemmone.

Shoddo 18:15

Doono Yeerichi noggoochee, bi muddoochee bi kachiti kaaree cufoochee tiyitona, baharee dechi ducho bekkehe; showee tuugeenaꞌoo shokkaachoon echeheete.

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 18:8

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Dojjecho 9:12

Asho bi ciiro aata gaata ariyaache. Haashoo dabbooch bi yechoommon, kafoo ballaattooch bi yechoommon, asho gabaanoon diqqoona qitoona danehe.

Isiyaasi 13:13

Ebich Beshe Mawe Doono Yeeri ta kaaro aaxxehooba shimaayeenaꞌon qewiyemmo taane; showeenoo bi xaaꞌoochee shuurikkemmo taane.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 2:21

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gofoonaa gogginonooch giyemminaꞌone.

Isiyaasi 42:22

Tunebaani hini asheenaꞌo bokkee bosheeꞌi, oppee maacooch hichetinaꞌone; cuyee kexoochoo aacheetinaꞌone; olleetinaꞌone; boonoshin wodiyemmo aalloone; kechetinaꞌone; “Wochibote” ito koniyoona aalloone.

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Erimiyaasi 48:43

Moꞌabee showooch beeti asheenaꞌote, keqqoo, oppoonaa shaachoona ittoshi aaf beetone” iye Doono Yeeri.

Erimiyaasi 48:44

“Boonoshi toommooch naxo woyemmi natooch ebi mooyinaꞌon Moꞌabi toommooch deebemmo ta tunetoyich, keqqoochee muriccimmo oppooch dihemmone; oppoochee kechimmoo shaachooch yecheyemmone, iye Doono Yeeri.

Shoosho 3:47

Keqqoonaa dihoona, happeyoonaa aalloona no toommooch shaggitone” getone.

Hiziqeeli 11:8

Ginoon shattito ittoshine; tawoo ginoon ittoshi toommooch deebemmo taane, iye Nuggishoo Doono Yeeri.

Hiziqeeli 12:13

Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Amootsi 5:18

Doono Yeerichi aaboon qaatiibeeti ittoshich woowo! Ebi aaboon ittoshi qaatiibeeto amoyichiye? Ebi aabo ittoshich manderee aaboani bekko toonoone.

Amootsi 5:19

Ebi aabooba, daaheroo kishoochee muriccii hammiꞌi diiboona daneti woyee muriccii kexooch giyiꞌi bi kishoon daabbooch bi kotiitee dingero kochiti ashoommon tunemmo ittoshine.