Isiyaasi 24:1 - Kafa Linguistics Project

¹ Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 24:1 ပူးပေါင်းရင်းမြစ်များ

2 Taateenaꞌo 21:13

Shamaarin, Israꞌeelee taatoo Akaabi kechi asheenaꞌonoo ta naxoommon, Yerusaalemin naxemmo taane. Asho shaatoon hidiichii, bi guufoommon, Yerusaalemin hidemmo taane;

Nehimi 1:8

“Ne guuno Muusich ‘Taach gibeneeto tuno ittoshi qayigaata, aageteenaꞌo daggooch ittoshin shaccemmo taane; tunebaani ta waan ittoshi wottegaata, ta getoon ittoshi quyegaata, ceechi gaatoo, ittoshi shiijjereenaꞌo showee tuggooch beddaahaa boonoshi shacetaanona, aroochee boonoshin kicemmo taane; ta shigo ceekkemmoyich ta kaacceti xaaꞌooch boonoshin deebemmo taane’ iyaꞌa ne getteti qaaroon ne gabemmoyich qollehoye.

Shoddo 146:9

Doono Yeeri shiqqeenaꞌon quyehe; xuumeenaꞌonaa nihaalleenaꞌonon gaachehe; tunebaani gondeenaꞌon gommo mucciihe.

Isiyaasi 13:13

Ebich Beshe Mawe Doono Yeeri ta kaaro aaxxehooba shimaayeenaꞌon qewiyemmo taane; showeenoo bi xaaꞌoochee shuurikkemmo taane.

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 24:19

Showoo tiishee gaahehe; showoo qewehe.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 27:10

Mishigechi katemoo onoo tunee echehe; amolla aalli barahoommon tunetone; maamo arooch gaaxiye; aroochoo miqqehe; bi atoonoo hoqqii maahe.

Isiyaasi 29:16

Ittoshiyoo bulli mooyon shinnaawunniyote; iberoochaa nuuqqee hachechonaa nuuqqoonoochee aabine besho? Shuuneeti mooyo shuuneton, “Ne taan shuuneyaano neene” gettehe? Woyee “Ne tunii beeton ariyaachine” gettehe?

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 30:32

Doono Yeeri Asooreenaꞌon bi yexximmi haddoona Doono Yeer asheenaꞌo kamboonaa ximboonochi qaaroon waayiiheete; biyoo koyechi bi mochoon tiijjiree boonoshin kochemmone.

Isiyaasi 32:12

Emirikkiibeeti qeemi showoonaa woyinee budo bullinoyich, ittoshi getoon qici eefote.

Isiyaasi 33:9

Showoo shuuqqiye; shokkoon echehe; Libanoosi yeellehe; shuuqqiinoo iye; Shaarooni barahoon shaahiye; Bashaaninaa Qermeloosinooch beeti mixinaꞌochi waamo oojjiye.

Isiyaasi 34:10

Xumoonaa areddoonon qaaqqoo tahaachemmone; bi cufoo bulli yemeenoon tuqi beeyemmone; showoo shiijjeroochee shiijjerooch beddaahaa shokkoon echemmone; bulli yemeenooch koniyoona aroona besheyaachemmone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 42:15

Guudinaꞌonaa geppeenaꞌonon aalliyemmo taane; arooch colleto bullin shuuꞌiyemmo taane; aacinaꞌon shuuꞌi showoon tuniyemmo taane; kote aacinaꞌon shuuꞌiyemmo taane.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 40:15

“Hamiree, koniyoona ariyaanoon Netaani bushoo Ishmaꞌeelin wuxibone; ne waan kiceeti Ayihudo bulli shacemmoyich, Yihudee curo dooggemmoyich, ne kashoon bi kichemmo amoyichiye?” iꞌi Qareehi bushoo Yohanaani aashoona Gedaliyich Mitsiphaa gettiye.

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Erimiyaasi 9:16

boonoshinaa boonoshi qaabbechinaꞌona ariyaani aageteenaꞌo daggooch boonoshin shaccemmo taane; boonoshin ta aalliimmi wottoon boonoshi hillooch goraadoon daachiyemmo taane” iye.

Hiziqeeli 12:20

Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.

Hiziqeeli 24:11

Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone.

Hiziqeeli 35:14

Ebich Nuggishoo Doono Yeeri ta ishichiyoye: Showoo bulli emiri beetaa neen shokko echiyemmo taane.

Hiziqeeli 5:14

“Ebiyeenoo wotta, ittoshin shokko echiyemmo taane; ittoshi guudoona beeti aageteenaꞌonaa aroona beshee beetinaꞌona ittoshi cooneyemmoyich tuniyemmo taane.

Hiziqeeli 5:2

Giicheyoo ciiretoyee gubb ikke beeroon ne shichiti katemee daggoochaa qaaqqoona michemmo neene; ikke beeroon katemee guudoochaa goraadoona qeccemmo neene; wotta echeti ikke beeroon yongooch shaccemmo neene; tawoo goraadoona boonoshin yookkemmo taane.

Hiziqeeli 6:14

Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.

Hiziqeeli 6:6

Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.

Hiziqeeli 7:12

“Aabo waatone; deco katinnitone; nebo meetinaꞌochi toommooch bi waatoyich kemeebeeto emiraaye; kemmiibeetoo ayinaaye.

Hiziqeeli 7:14

Shameto huggiꞌi bulli mooyon boonoshi qanniitaa, ta kaaro bulli toommooch bi tunetoyich koniyoona ginooch hamaachemmone.

Naahoomi 1:5

Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Naahoomi 2:10

Nanawi katemoo duppetoche; duubetoche; aalletoche! Mullo muujjitone; tingoo qewetone; giidoo qajjitone; halloo shaddeetone.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Mishiraachechinaꞌo 17:6

Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.