Isiyaasi 23:9 - Kafa Linguistics Project

⁹ Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Isiyaasi 23:9 ပူးပေါင်းရင်းမြစ်များ

Iyoobi 12:21

Showoon qeejjii beetinaꞌon giishiihe; giidechinaꞌochi shimetoon niriihe.

Shoddo 107:40

iraasheenaꞌo toommooch yeelloon woniihe; gommo aalli barahooch boonoshi yallyallimemmoyich tuniihe.

Keyo 8:4

Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.

Isiyaasi 10:33

Ebiyoche Doono, Beshe Mawe Doono Yeeri, ooge bi giidoona michi qaakkoon kuxi bajjemmone; neexoon genjeti, kaama qaalliti mixinaꞌon kuxi bayiree giishiyemmone.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 14:24

Beshe Mawe Doono Yeeri ishichii wogetone: “Ta gabitoommon tunemmone; ta maaccetoommonoo shuunooch heechemmone.

Isiyaasi 14:26

Showoo bulliich gabeeti gaboo ebine; aageteenaꞌo bulli toommoochoo tiyiti mochoo hinine.

Isiyaasi 14:27

Beshe Mawe Doono Yeeri ishichii gabitone; konine bajjemmo? Bi mochoonoo tiijjitone; konine wochemmo?

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 23:10

Tarisheshi asheenaꞌote, ittoshich bajjemmo aallo bi tunetoyich, Abbaayi aacochoommon ittoshi showooch tahee bullebote.

Isiyaasi 32:13

Angixonaa guccinona ta asheenaꞌo showooch colletone; asheenaꞌo emiroona beebee echeti kexinaꞌonaa emiroona beebee echeti ebi katemoonoyich eefote.

Isiyaasi 5:13

Ebich ta asheenaꞌo ariyoon boonoshi muccetoyich kecaa hammemminaꞌone; boonoshi ukkireenaꞌo shaacoona qitemminaꞌone; asheenaꞌochi heciyoo shachewoona shuuqqemmone.

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Erimiyaasi 13:9

“Yihudee asheenaꞌochi geecoonaa Yerusaalemi asheenaꞌochi ooge geecoonon ebiyoommon duubiyemmo taane. Ta qaaroon waayo qajjiibeeti, babbereꞌi boonoshi hajjee gaboo waan wotteebeeti, boonoshich maddoonaa goyinnoonoyich bare nuggisheenaꞌon dabbiibeeti, ebi gonde macceenaꞌo, amoyichona gaacaani ebi buroommon tunemminaꞌone. Buroo ashi shimetooch xaaqqeyoommon, Israꞌeelee kechi asho bullinaa Yihudee kechi asho bullinon taanna xaaqqiyoye; ebiyoo ta ashoon boonoshi tunemmoyich, boonoshina ta shigo arichemmoyich, galleteyemmonaa oogemmonoyichiye; tunebaani boonoshi waayeyaaneenaꞌone, iye Doono Yeeri.

Erimiyaasi 51:62

Aroochee ‘Doono Yeero, hini xaaꞌoon aalliyemmo ne tunoon, hini xaaꞌeechon ashoochee tiijji gijjooch beddaahaa koniyoona koteyaachemmo, bulli aabooch shokkoon echemmo bi tunoon getteto neene’ gete.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Abidiyi 1:2

Doono Yeeri Edoomich ishichiye: “Aageteenaꞌo daggooch neen giishiyemmo taane; oogeton hoxeeto tunemmo neene.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.