Isiyaasi 23:17 - Kafa Linguistics Project

¹⁷ Shabe natoyee gubb, Doono Yeeri, Xiroosin gawukkaa, biyoo aafi bi shuunooch wotteree showee toommeexi taateenaꞌona tookki giixe yahemmine.

Isiyaasi 23:17 ပူးပေါင်းရင်းမြစ်များ

Isiyaasi 23:15

Arooba Xiroosi shabe nati wottoon batteyemmine; ebiyoo ikke taatoochi yemeenoone; shabe natoyee gubb yahechi ureyich shoddeeti shoddo Xiroosi toommooch tunemmone; ebiyoo:

Isiyaasi 23:16

“Batteeti yahechi ureene, ne ximboon yeshe; katemee daggoona guude. Ne shalligeyemmoyich, ne qaaroon gaawichi shoddebe; woddiireeshoo shoddebe” ii beetone.

Erimiyaasi 25:11

Ebi showoo bulli aallemmone; duubemmone; asheenaꞌo Baabloonee taatoyich shabe naton hajjeyemminaꞌone.

Erimiyaasi 29:10

Doono Yeeri ishichiye: “Baabloonee showooch ittoshi koteti shabe nato ceeniyooba ittoshin guudi beeggemmo taane; ta qaaroon ceechoona hini showooch ittoshin wochemmo taane.

Hiziqeeli 16:25

Gamini gamine gommi gashooch hashekkimiti xaaꞌoon shuunehine; ne malletoonoo eeꞌiihine; aroona besheebeeto bullich ne qelloon beshii imona yahoon meechihine.

Hiziqeeli 16:26

Yahiichii wotteyaani Gibitsee asheenaꞌona tookkii yahihine; taan ippiyoyich woddii yahihine.

Hiziqeeli 16:31

Gommi gommi gashooch ne yahemmi xoobe xaaꞌoon shuuneti neene; addibaaboo bulliichoo hashekkimiti xaaꞌoon qanniiti neene; tunebaani yahechi maachechoommonolla gijjee kicoon qaawaanee neene.

Hiziqeeli 22:13

“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane.

Mikiyaasi 1:7

Bi shahalleenaꞌo tiisheree buricemminaꞌone. Bi yaafee kechi yahechinaꞌoyich qocheti qiiceenaꞌo bulli qaaqqoona michaa aallemminaꞌone. Shahalleenaꞌochi misileenaꞌo bullin aalliyemmo taane. Shamaaree asheenaꞌo ebi misileenaꞌo bullin boonoshi kicito yahechinaꞌoyich qocoo qocenane; boonoshi etteenaꞌo keci daamiree yahechinaꞌoyich bi qocceyemmoyich tuniyemminaꞌone” iye.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Naahoomi 3:4

Nanawi katemee yahechi ureyoommi bi tunetoyich, Doono Yeeri biin naxee beetone; macecikkitonaa ashoon wuxiibeetona tuneti qaaxoona ceennetine; bi qaaxoona aageteenaꞌon bi waan giddiyaꞌa, bi guunon tuniihan.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Yibbaatoo 23:18

Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.