Isiyaasi 23:13 - Kafa Linguistics Project

¹³ Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.

Isiyaasi 23:13 ပူးပေါင်းရင်းမြစ်များ

Halloo 11:28

Haraani, bi nihoo Taari batt kashoona beetaa, bi shiijje showoo tuneti, Kalideenaꞌo showooch beeti, Uuri katemoochaa qitiye.

Halloo 11:31

Taari, bi bushoo Abraamin, bi bushoochi bushoo, Haraanichi bushoo Looxin, Abraami mechee, bi naamechee Saarayinoo yechiꞌi, Kanaanee showooch hamma, Kalideenaꞌo showooch beeti, Uuri katemoochee kechiye. Tunebaani Karaan shaggiꞌi, arooch koteheete.

Halloo 11:9

Doono Yeeriyoo showee toommo bulliich beeti asheenaꞌochi noonoon aroochaa bi baccitoyich, ebi katemee shigo, Baablooni getteehe. Aroocheenoo Doono Yeeri asheenaꞌon showee toommo bulliich shaccitone.

Halloo 2:14

Keejjinnee aaco, Xegiroosi getteehe; ebi aroo Asooree showoochaa aabi-keyo waan wocciibeeti aacone. Awuddinnee aaco Efiraaxisine.

2 Taateenaꞌo 17:24

Asooree taatoo asheenaꞌon Baablooni, Kutaahi, Awi, Hamaatinaa Sefariwayimina getteebeeti katemoochee deebiꞌi, keccii bi daammiti Israꞌeeleenaꞌochi keroon Shamaaree showeexi katemeenaꞌooch kotiihe. Boonoshiyoo Shamaaree showoon hajjiꞌi, are katemeenaꞌooch koteheete.

2 Taateenaꞌo 20:12

Ebiyooba Baabloonee taatoo, Balidaanichi bushoo Merodaak Balidaani Hiziqiyaasi biiyeꞌi wodoon bi waayetoyich, bi wocheyechinaꞌo kishoona wojjoonaa koorichoonon Hiziqiyaasich deejjiye.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

Iyoobi 1:17

Ebin gettii bi beetaa, baroo waaꞌi ishichiye: “Kalidee asheenaꞌo keejje kuxona waa qiddeenaꞌon goraadoona wuxiichii gaaleenaꞌon gashee daammiyeete. Ta ikkeeto baach muriccaꞌa ebin neech getta waahoye” iye.

Shoddo 72:9

Barahooch beetinaꞌo bi aafooch goyinnebeete; bi etteenaꞌoo buttoon baaxeete.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 10:7

“Tunebaani aroo ebin gabaanoone; bi mulloochoo ebi gaboo aalloone; biyoo giishechoon tuneyaanoon meeti aageteenaꞌon aalliyoyich gabiye.

Isiyaasi 13:19

Taatittineenaꞌochi ooge, Kalideenaꞌochi geecee tuneti Baabloonin, Doono Yeeri ta, Sodoominaa Gomoorinochoommon guuppemmo taane.

Isiyaasi 13:21

Barahee cooxinaꞌo arooch miqqemminaꞌone; yuyeenaꞌo boonoshi kexooch ceennemminaꞌone; shaakkeenaꞌo arooch beeyemminaꞌone; barahee emmisheenaꞌo aroochaa capphemminaꞌone.

Isiyaasi 18:6

Boonoshi bulliyoo guudi toommeexi gaceenaꞌonaa kubbi cooxinaꞌonoyich tunemminaꞌone; qaawoona gaceenaꞌo yooyona kubbi cooxinaꞌo boonoshin maayemminaꞌone.

Isiyaasi 43:14

Ittoshin Biishee Wodiyechi Israꞌeelee Yaafoo Doono Yeeri ishichiye: “Ittoshi naboyich ginee naayon Baablooni toommooch daachiyemmo taane; katemee uxeree kelleenaꞌon tiichemmo taane; are katemeexi asheenaꞌochi emiroo eeppi shaddeyemmone.

Hiziqeeli 23:23

Baablooneenaꞌon, Kalideenaꞌo bullin, Feqoodee asheenaꞌon, Shoꞌahee asheenaꞌon, Koꞌahee asheenaꞌon, Asooreenaꞌo bullinoo deejjemmo taane; mallet gaawe gurimaasheenaꞌon, ukkireenaꞌonaa ginee iraasheenaꞌona bullin, iraasheenaꞌonaa mikkirechinaꞌonon deejjemmo taane; eboshi bulliyoo hareshoon yebbeꞌi koyee beetinaꞌone.

Hiziqeeli 29:18

“Ashi bushoocho, Baabloonee taatoo Nabukadinatsori Xiroosin koyoyich bi ginee naayinaꞌon aajjiitone; boonoshi qello hucemmi, boonoshi gogoo mayemmi wottoon magge shaagoon boonoshi shaaggemmoyich tuniitone; tunebaani biyoo tunetaa bi ginee naayinaꞌo ebi boonoshi aayoyich Xiroosee amee gaacoonolla daneyaaneenaꞌone.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Imbaaqoomi 1:6

Boonoshi hajjoo tuneyaani showoon koyi yecha showee toommo bulliich oriheebeeti, maacmanjeenaꞌonaa afaafinechinaꞌona tuneti Baablooneenaꞌon tiijjemmo taane.

Mishiraachechinaꞌo 7:4

“Ebich arooba Kalideenaꞌochi showoochee kechiꞌi, Karaan hammii kotehe. Aroochee bi nihoo qititoyee gubb, Yeeri biin kichiꞌi hanaach ittoshi beeti hini showooch deebii kotiihe.