Isiyaasi 23:12 - Kafa Linguistics Project

¹² Ishichiinoo iye: “Xukketi Sidooni asheenaꞌote, ebiyee bekk emiriyaahote; tiyii Qoophiroos ittoshi hammitaanona arooch kashe koteyaachemmo ittoshine” iye.

Isiyaasi 23:12 ပူးပေါင်းရင်းမြစ်များ

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

Halloo 49:13

“Zebulooni baharee gashooch kotemmone; markabeenaꞌochi neexee xaaꞌoon tunemmone; bi showee tuggo Sidoon beddaahaa tunemmone.

Isiyaasi 23:7

Asheenaꞌo emiroona beebee echeti, wonnee wonnee ittoshi katemee ebine? Bi asheenaꞌo wohi showooch hammiꞌi koteti katemee ebine?

Isiyaasi 37:22

Bi toommooch Doono Yeeri gettiti qaaro ebine: “ ‘Tsiyooni gidiide maache bushee neen hoxemmine; neen coonemmine. Woci ne beetaa, Yerusaalemi gidiidee ne toommooch qeeqqeremmine.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 47:5

“Kalideenaꞌochi busheene, illa ‘Taatee showeenaꞌochi taatee’ getteyaachemmi neene; cikkiree kotebe; manderoochoo hambe.

Erimiyaasi 14:17

“Ebi qaaroon boonoshich ishichi gete: ‘Ta asheenaꞌo, oogichii boonoshi tiishetoyich, qaaꞌi mayona boonoshi yexxetoyich, ta aafo kuxaanoon xumoonaa areddoonon acimoon ukkii beetone.

Erimiyaasi 2:10

“Buure showoo Qoophiroos hamiree ciinote; Qedaari wochoon daachiiree gaawichi boshebote; ebiyoommi mooyo tunee ariibeeto gaata beegote!

Erimiyaasi 46:11

Gibitsee asheenaꞌote! Gilaadee showooch hambote; huuteyemmi attoon deebote; attoon ittoshich ittoshi woddiito duuboniye; wodoo ittoshich aalloone.

Shoosho 1:15

“Doono, ta ginee anaaminaꞌo bullin duppiye; ta gurimaasheenaꞌon buricoyich, ta toommooch ginee naayinaꞌon kiciye; oppoochaa woyinoon kotoommon Doono Yihudee asheenaꞌon kotehe.

Shoosho 1:3

Yihudee asheenaꞌo guuchittinoonaa xuuxoona beebee, aroochee kecaa hammiyeete; aageteenaꞌo daggooch koteheete; aroochaa tooqqii kashoon mucceheete; boonoshi etteetinaꞌo bulli, xuuxeꞌi boonoshi beetaa daneheete.

Shoosho 4:15

Asheenaꞌoo, “Eeꞌeenaꞌote, wohi hambote! Wohote, wohote! No achooch shaggaahote” ii boonoshi toommooch cookiyeete; ebina yookketinaꞌonaa yallyallimechinaꞌona tuneheete; aageteenaꞌo daggooch beeti asheenaꞌoo, “Ebiyee bekk noonna tookki beetaacheete” iyeete.

Hiziqeeli 27:6

Bashaanee meellee mixinaꞌoochee aachi yooppe ne madelloon shuuneheete; ne godo shuuneeto Qoophiroosee ciidee shaaqqoonane; bi guudo dangeyi gashoona shuuneetone.

Daaneeli 11:30

Kitiimee asheenaꞌo markabeenaꞌona waaree biin kochemminaꞌone. Biyoo shatiree gubb kishe wottemmone; aroochee oogeti ippoona Yeerich tuneebeeti, ibere goyinnoon aalliyoyich tiyemmone. Yeerich goyinnoon qajjiti asheenaꞌona tookki xibemmone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Yaasi 11:8

Doono Yeeriyoo boonoshin Israꞌeeleenaꞌo kishooch beshiiꞌi immiye. Boonoshiyoo ooge katemoo Sidooninaa Misrefoot Mayimi katemoonooch beddaahaa, wotta aabi-keyo waan beeti Mitsiphi bambooch beddaahaa wuxiibee yookkiyeete. Boonoshi daggoochee kashoona echeto ikkolla aalloone.

Yaaꞌoo 18:22

Ximboon yexxechinaꞌonaa shoddee qiicee ariyechinaꞌonochi qaaro, shametoonaa tiroonochi huggi qaaro, ebiyee bekk ciroona ne waanee waayeyaachemmone; kishee shuunee ariyecho ebiyee bekk ciroona ne waanee daneyaachemmone; maayoon yiikkeebeeti yiikke xaqqee qaaro ebiyee bekk ciroona ne waanee waayeyaachemmone.