Isiyaasi 23:1 - Kafa Linguistics Project

¹ Xiroosichon Doono Yeer waanee getteeti wocho ebine: Tarisheshi markabeenaꞌote, eefote. Xiroosi tiishetine; bi kexonaa markabo neexee xaaꞌoona tiishee aalletone; Qoophiroosaa ittoshi waayemmi woroo ebine.

Isiyaasi 23:1 ပူးပေါင်းရင်းမြစ်များ

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

1 Taateenaꞌo 10:22

Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

1 Taateenaꞌo 22:48

Yoshafaaxi aachoon deeboyich, Ofiir hammemmi, Tarisheshee markabeenaꞌon shuuniihe. Ebi markabeenaꞌo Etsiyoon Geberaa boonoshi tiishetoyich, hamaaneenaꞌone.

1 Taateenaꞌo 5:1

Xiroosi taatoo Kiraami bi yemeeno bulliich Daawitich shunecho bi tunetoyich, Solomooni bi nihoochi keroon taatoo tunoyich bi huutteyoon bi waayehooba, bi wocheyechinaꞌon Solomoon waan daachiihe.

2 Kiinoo 9:21

Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

Shoddo 48:7

Aabi-keyo waanee yongoona Tarisheshi markabo tiishoommon, boonoshin tiichehine.

Isiyaasi 15:8

Boonoshi cookee qaaro Moꞌabee showee danooch beddaahaa waayeyemmone; bunnee qaaro Egilayiminaa Beer Eliiminooch beddaahaanoo waayeyemmone.

Isiyaasi 2:16

Tarisheshi markabeenaꞌo bullinaa mallet gaawe aachi gooneenaꞌo bullinon bi aalliyemmi aabo beetone.

Isiyaasi 23:12

Ishichiinoo iye: “Xukketi Sidooni asheenaꞌote, ebiyee bekk emiriyaahote; tiyii Qoophiroos ittoshi hammitaanona arooch kashe koteyaachemmo ittoshine” iye.

Isiyaasi 23:6

Buure showooch beetinaꞌote, woowo geti eefote; Tarisheshoo kimbote.

Isiyaasi 24:10

Happeeti katemee shokkoon echahane; koniyoona giyaachemmoyich, kexo bulli hichehe.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Erimiyaasi 2:10

“Buure showoo Qoophiroos hamiree ciinote; Qedaari wochoon daachiiree gaawichi boshebote; ebiyoommi mooyo tunee ariibeeto gaata beegote!

Erimiyaasi 25:15

Israꞌeelee Nuggishoo Doono Yeeri taach ishichiye: “Hini kaareechi woyinee uyee xoofoon ta kishoochee deꞌe; neen ta wochaabeeti aageteenaꞌo bulli uchemmoyich tuniibe.

Erimiyaasi 25:22

Xiroosee taateenaꞌonaa Sidoonee taateenaꞌona bullich, baharoyee bekk beeti showee daareexi taateenaꞌo bullich,

Erimiyaasi 47:4

Ebiyoo Filsixeemeenaꞌo bullin aalliyee aabo, Xiroosinaa Sidooninochi eche gaacheenaꞌon kuxi aabo, bi shaggitoyichiye. Kafitooree showooch beeti buure showeexi Filsixeemee cureenaꞌon Doono Yeeri aalliyemmone.

Hiziqeeli 26:1

Kecee no hammeti aaraa ikkinnee natooba, agenee ikkinnee qemooba Doono Yeeri taach ishichiye:

Hiziqeeli 26:2

“Ashi bushoocho, Xiroosi Yerusaalemi toommooch ishichitine: ‘Usha, macceenaꞌo giyiibeeti kellee tiishetane; bi gifeenaꞌoo wogallimiꞌi taach qecheetinaꞌone; bi tiishetoyich ta oogemmi taane’ itine.

Hiziqeeli 27:30

Buttoon boonoshi qellooch shahibee, tulloochoo gederebee, neech oogichi cooki eeppemminaꞌone.

Hiziqeeli 27:6

Bashaanee meellee mixinaꞌoochee aachi yooppe ne madelloon shuuneheete; ne godo shuuneeto Qoophiroosee ciidee shaaqqoonane; bi guudo dangeyi gashoona shuuneetone.

Daaneeli 11:30

Kitiimee asheenaꞌo markabeenaꞌona waaree biin kochemminaꞌone. Biyoo shatiree gubb kishe wottemmone; aroochee oogeti ippoona Yeerich tuneebeeti, ibere goyinnoon aalliyoyich tiyemmone. Yeerich goyinnoon qajjiti asheenaꞌona tookki xibemmone.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Luqaasi 10:13

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tullooch koteree, axaaxee gommoochee Yeer waan wotteshinaꞌone.