Isiyaasi 22:16 - Kafa Linguistics Project

¹⁶ ‘Ne koni neene? Hini xaaꞌooch ne qellich oppoon ne qanniyemmoyich, geppe xaaꞌooch oppoon ne shuuniito, ne cahoo qeyemmi sheqqoon xaqqee gogginooch ne gooshiito aalloon koni neech imenane?

Isiyaasi 22:16 ပူးပေါင်းရင်းမြစ်များ

Halloo 50:5

Yooseefi ‘Ta nihoo ishichiꞌi taan wogiitone: “Ta qitiyooba, Kanaanee showooch ta qellich ta qanniiti oppooch taan duuhe” itone. Ebich arooch daamiree ta nihoon duuhiichi, wotteree wobona itone’ getote” iye.

2 Saameeli 18:18

Abisoloomi, “Ta shigoon ceekkiyemmi bushoo taach aalloone” iꞌi, batt kashoona beechii, bi shalligeyemmi haawulitoon Taatee Bambooch, bi qellich shuuniitone. Ebi haawulitoon bi shigoona bi ceekkitoyich, hanaach beddaahaa Abisoloomi Haawulito getaa ceekkee beetone.

2 Kiinoo 16:14

Shuunee ariyechinaꞌo qanniiti baribare gaawe cinnechi qimaamoon huuttiꞌi, Daawiti Katemooch bi qellich xaqqoon gooshiiꞌi bi shuuneti maashooch duukkiyeete. Bi oogoyichoo wodde mixon gutii qaaqqoon shookkiꞌi, oogichii eeppiyeete.

Iyoobi 3:14

Taatee kexon wochii haggiti, taateenaꞌonaa mikkirechinaꞌona tookki,

Isiyaasi 14:18

“Aageteenaꞌochi taateenaꞌo bulli boonoshi oogoona boonoshi maash maashooch kashetinaꞌone.

Isiyaasi 14:19

Tunebaani ne, duppeti michi atoochoommon ne oppoyee maach duppeto neene; ne dubeno ginoochaa qititinaꞌochi dubenoona qereetone; xaqqechi oppooch dufaa neechetone.

Isiyaasi 22:17

Hini beelle uroocho, Doono Yeeri neen kaama tiijjiree, curullii awuremmone.

Isiyaasi 52:5

Doono Yeeri ishichiye: “And hiniich taach amo beete? Ta asheenaꞌo naboo aalloon yeshaa hammitinaꞌone; boonoshi ukkireenaꞌo cookiyeete; bulli aaboon ta shigo naakkehe” iye Doono Yeeri.

Mikiyaasi 2:10

Hini, ittoshi kashemmi xaaꞌoo toonoone; hiniichee tiyi hambote. Ittoshi axaaxoo hini xaaꞌoon bi eeꞌitoyich, hini xaaꞌoo aallemmone.

Maatiyoosi 27:60

xaqqee guudoochee bi qellich gooshiiꞌi bi shuuniiti oppooch daammii arooch duukkiye. Wotta ooge xaqqoon gederikkiꞌi are oppee kelloon hicciichii hammiye.