Isiyaasi 22:11 - Kafa Linguistics Project

¹¹ Wonnee aachi oppoochee ufeebeeti aacon kicoyich gutte uxeree daggooch aachi oppoon qanniihote; tunebaani ebi bullin shiichii yameꞌi tuniiti Yeerin gabaano ittoshine.

Isiyaasi 22:11 ပူးပေါင်းရင်းမြစ်များ

2 Taateenaꞌo 20:20

Hiziqiyaasi shuuneti eche shuunoo, oogeti giidecho bi tunoo, aaco kotemmi xaaꞌoon bi shuunoonaa aaco katemooch woyemmi woretoon bi iichiyoo bullina Yihudee taateenaꞌo kiinee macaafooch kooreetone.

2 Taateenaꞌo 25:4

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona muricciꞌi, gutte uxeree danooch beeti kelloona taatoochi bechee mixo beeto waan daammiibeeti gommona, Yoordaanoosi bamboo waan hammiye.

Nehimi 3:16

Biyee aafaa, Beet Suuri dubbiyee qaton qeejjiibeeti ukkiroo, Azibuki bushoo Nehimi, Daawitichi maashee ciinooch beeti xaaꞌooch beddaahaa, waakkee aachi gaboonaa ginee anaaminaꞌo kexonooch beddaahaa shuunehe.

Isiyaasi 17:7

Ebi arooba asheenaꞌo boonoshin Hallito waan ciinnemminaꞌone; boonoshi aafoonoo Israꞌeelee Yaafoo tuneti Doono Yeer waan wochemminaꞌone.

Isiyaasi 22:10

Yerusaalem beeti kexon haddiyote; uxeroo uxereyemmi xaqqoon danoyich kexon happiyote.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 37:26

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Isiyaasi 7:3

Doono Yeeriyoo Isiyaasich ishichiye: “Neennaa ne bushoo Sheꞌaar Yashuubina Akaazina danoyich qoredda machechochi budo waan daammiibeeti gommooch, damba qachi kote aachi bobbee gocooch keyote.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 39:4

Yihudee taatoo Sedeqiyaasinaa bi ginee naayinaꞌo bullina boonoshin beeggiꞌi, woceheete; xumoona taatoochi becheenaꞌo beetona, gutte uxeree daggooch beeti kelloona katemoochee kechiꞌi Yoordaanoosi bamboo waan hammiyeete.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.