Isiyaasi 20:2 - Kafa Linguistics Project

² Arooba Doono Yeeri Amootsi bushoo Isiyaasin, “Dookoon ne qeddoochee shoote; caammoonoo ne baatoochee kichibe” iye. Isiyaasiyoo deꞌa iꞌi shokke qeddoon, shokke baatoonoo shaꞌee beehe.

Isiyaasi 20:2 ပူးပေါင်းရင်းမြစ်များ

2 Saameeli 15:30

Daawitiyoo eeppiibee, Zayitee Michi guudon kaama kechiye. Biyoo ayinito bi tunoon bekkiyoyich baade baatoon tuneꞌi, wotta tahoon bi qellooch ukeꞌi hammiye. Biin dabbii beetinaꞌo ebiyoommon wotta tahoon boonoshi qellooch ukeꞌi eeppiibee kaama kechiyeete.

2 Saameeli 6:20

Aroochee Daawiti bi kechi asheenaꞌon diiriya bi kexooch wottehe. Saaꞌooli bushee Mikaali biinna daneya kechaꞌa, “Qellaalli asheenaꞌo yeelleyaanoon boonoshi achoon bekkiyoommon, Israꞌeelee taatoo shokke qeddoon tuneꞌi bi naayinaꞌochi shaajjeteenaꞌo aafooch bi achoon bi bekkiyoo biin am shaahoon oogiite” iyan.

2 Taateenaꞌo 1:8

Boonoshiyoo, “Huushechi tahoon taheti uroone. Bi shimetoochoo shachoon cuyetone” iyeete. Aroochee taatoo, “Ebi aroo Tishibee asho Eliyaasine” iye.

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Keyo 3:5

Doono Yeeriyoo biich “Hach giddeyaahine; ne neexaabeeti xaaꞌoo yaafeeto bi tunetoyich, caammoon ne baatoochee kichibe” iye.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 37:2

Aroochee taatee kechi iraashoo Eliyaqimi, taatoochi koorechi Shebininaa qeesheenaꞌo tuneti qaabbeenaꞌona dookoon taheree, Amootsi bushoo, keemechi Isiyaas waan boonoshi hammemmoyich tuniihe.

Erimiyaasi 48:37

Bullichi qello cakkemmone; ishaanoo maachemmone; kishoo kocheyemmone; shimetoo dookoon eddemmone.

Hiziqeeli 24:17

Ne qaaroon waayiyaanoon yiineballi qititoyich eeppaahine; ne qelli caacoon caace; ne caammoon gede; ne noonoon oppeyaahine; aakkee maayoonoo maayaahine” iye.

Hiziqeeli 24:23

Ittoshi qelli caaco ittoshi qellooch, ittoshi caammoo ittoshi baatooch beeyemmone; muushene eefaachemmo ittoshine; ittoshi axaaxee naboona kinikinnemmo ittoshine; ittoshinaa ittoshina gaashillemmo ittoshine.

Hiziqeeli 4:1

Doono Yeeri ishichiye: “Ashi bushoocho, ikke xuuboon daamiree ne aafooch kotiibe; bi toommoochoo Yerusaalemi katemee shichoon shichebe.

Hiziqeeli 4:5

Axaaxoon boonoshi shuuneti natinaꞌochi haddoona keejje ballaa yixene qemon neech qociito taane; ebina Israꞌeelee macceenaꞌochi axaaxoon shaaggemmo neene.

Mikiyaasi 1:11

Shafiir beeti asheenaꞌo shokke qeddoon tune yeellebee kecaa hammemminaꞌone. Tsanaan beeti asheenaꞌo katemoyee maach keyon hakkaachemminaꞌone. Beet Etseli katemoo eeppi toommooch bi beetoyich, ittoshi dege wodemmi xaaꞌoo arooch daneyaachemmone.

Mikiyaasi 1:8

Ebich shooshaa eeppaabeeto taane; ta muushenetoyich shokke qeddoon, baade baatoonoo tuneto taane. Waangoochoommon, yuyechoommonoo eeppaabeeto taane.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Yowannisi 21:7

Yesuusi shunniibeeti bi dabboo Pheexiroosich “Hini no Doonone!” iye. Simoon Pheexiroosi Doono bi tunoon waayeꞌi, shokkaachoon beeto bi tahoon taheꞌi baharee daggooch awureehe.

Mishiraachechinaꞌo 19:16

Are yinno yechiti uro boonoshin biittii yechiꞌi yebbehe; boonoshi tahoonoo keexxii, boonoshi achoon damiiꞌi, are kexoochee kechii shokkaachoon boonoshi wocemmi wottoon xoobbiye; boonoshinoo yittiihe.

Mishiraachechinaꞌo 21:11

Hini keemecho no waan giddeꞌi, Phawuloosi shachoon yechiꞌi bi hajjee kishoonaa baatoonon bi cuchitoyee gubb, “Yaafe Ayaano ‘Hinin cuyeebeeti uroon Ayihudeenaꞌo Yerusaalemaa cuchemminaꞌone; Aageteenaꞌo kishooch beshiiree immemminaꞌone’ ii beetone” iye.

Yaasi 5:15

Doono Yeerichi ginee iraashoo Yaasich “Ne neexaabeeti xaaꞌoo yaafoo bi tunetoyich, caammoon ne baatoochee kichibe” iye. Yaasiyoo biich getteetoommon tuniihe.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.

1 Saameeli 19:24

Biyoo wotta bi tahoon shoottiichii, Saameeli aafoochaa keemoon keemmiye. Aroobee areddoo bullinaa xumo bullinon shokkaachoon tuneꞌi qeyii beehe. “Halla Saaꞌooli keemechinaꞌo daggoochee ikkoone?” ii beeti yibbaatoo tiyito, ebinane.