20 Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.
Ebich boonoshi waan beeti dallaawe nuggisheenaꞌochi shahalloo bullin, boonoshi waameexi gudichoonoo kichii Yaaqobich immiyeete. Yaaqobiyoo eboshin daammii Shekeemi katemee gaꞌooch beeti ogooge michi xepphooch duukkiye.
qaawoyich gooroo beete; qaawee qayoyich gooroo beete; kotiyoyich gooroo beete; kichii dufoyich gooroo beete;
Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?
Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.
Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.
Ebiyooba aachoonaa birewoonoochee axaaxechi ittoshi kishoona ittoshi shuuneti, shahalleenaꞌo bullin duppemmo ittoshine.
Shahalloon shuuna ariyecho shuunehe; aachee ukkecho aachoona dikkehe; birewee sansalatoonoo shuunehe.
“Beeli goyinnete; Neebi goobete; boonoshi shahalleenaꞌo gijjeenaꞌo toommooch xaaneeteete; taahiti gijjeenaꞌoyichoo maggetinaꞌone.
Asheenaꞌo aachoon boonoshi kolloochee tebbeheete; birewoonoo machoona qocciyeete; aachee ukkechon boonoshi kiraayaa, nuggishoon tuniiꞌi shuunehe; boonoshiyoo guufeꞌi biich goyinneheete.
“Ebich Israꞌeelee macceenaꞌoyich ishichibe: Nuggishoo Doono Yeeri ishichiye: ‘Shahalleenaꞌoyich goyinnoon qayiichi ta waan wottebote; ciigiiti ittoshi mooyinaꞌon qayiichi hach guudote’ gete.
Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.
Boonoshi birewoon gommooch duppemminaꞌone; boonoshi aachoo eeꞌe mooyooch haddeyemmone; boonoshi birewoonaa aachoona Doono Yeerichi kaaree aabooba boonoshin wodiyaachemmone. Ebi boonoshich xugo bi tunetoyich boonoshi shaacoon wochaachemmone; woyee boonoshi maacoon michiyaachemmone.
Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.
maannaakko, maaꞌimaaꞌoonaa biin shaaheenaꞌo bullina, yaacheenaa (keceenaa) shakishakoonane. Eboshin maayaahote.
Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.
Arooba asheenaꞌo, ‘Guudinaꞌote, no toommooch dihibote! Hini geppeenaꞌote, noon qeribote’ gettemminaꞌone.