Isiyaasi 2:19 - Kafa Linguistics Project

¹⁹ Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 2:19 ပူးပေါင်းရင်းမြစ်များ

2 Saameeli 22:46

Boonoshi mullo qitiye; boonoshi aasheti xaaꞌoochee qeweebee ta waan waaheete.

Iyoobi 9:6

Showoon bi kote xaaꞌoochaa shuurikkii beetone; showee tuugeenaꞌonoo qewii beetone.

Shoddo 7:6

Doono Yeero, ne kaaroona tibe; kaaroona tiyiti ta etteenaꞌo toommooch tibe; tiyiree, dayinnetoona bi nalleyemmoyich tuniibe.

Isiyaasi 13:13

Ebich Beshe Mawe Doono Yeeri ta kaaro aaxxehooba shimaayeenaꞌon qewiyemmo taane; showeenoo bi xaaꞌoochee shuurikkemmo taane.

Isiyaasi 2:10

Doono Yeerichi shattiyoonaa bi oogee yiiroonoochee tiyitona xaqqee gofooch, showee daggooch aashebote.

Isiyaasi 2:21

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gofoonaa gogginonooch giyemminaꞌone.

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 24:18

Hukkee qaaroochee tiyitona woccimmo, oppooch dihemmone; oppoochee kechimmo, ollooch yecheyemmone; ebiyoo shimaajji mallee kello bi qecheetoyich, showee kotoo bi shuuritoyichiye.

Isiyaasi 24:19

Showoo tiishee gaahehe; showoo qewehe.

Isiyaasi 30:32

Doono Yeeri Asooreenaꞌon bi yexximmi haddoona Doono Yeer asheenaꞌo kamboonaa ximboonochi qaaroon waayiiheete; biyoo koyechi bi mochoon tiijjiree boonoshin kochemmone.

Isiyaasi 33:10

Doono Yeeri ishichiye: “And tiyemmo taane; ta giidoonaa ta oogoonon bekkiyemmo taane.

Isiyaasi 7:19

Boonoshiyoo waaree baraheexi bambooch, xaqqee gogginooch, angichi tushoo bulliich, miinji gaddo bulliichoo buundemminaꞌone.

Erimiyaasi 16:16

Doono Yeeri ishichiye: “Meeti haashe yesheenaꞌon deejjemmo taane; boonoshiyoo boonoshin yechemminaꞌone; aroyee gubboo meeti aaddeenaꞌon deejjemmo taane; boonoshiyoo guudo bulliichee, geppoo bulliichee, xaqqee gaaho bulliichee boonoshin dabbe yechemminaꞌone.

Erimiyaasi 4:29

Hareshechinaꞌonaa shangechinaꞌonochi qaaroochee tiyitona, katemoo bulli goojjemmone; dunne shaarooch giyemmone; echeenaꞌo xaqqee guudooch kechemminaꞌone; katemoo bulli shokko echemmone; arooch kotemmi asho aallemmone.

Erimiyaasi 48:28

“Moꞌabee showooch kotetinaꞌote, katemeenaꞌon qayiree xaqqee guudooch kotebote; bambee noonooch bi kexon haggaabeeti daabbicheyoommon tunebote.

Hiziqeeli 33:27

“Boonoshich, Nuggishoo Doono Yeeri ishichiye: ‘Beeyecho ta tunoona wogehoye: Happeeti xaaꞌooch beetinaꞌo goraadoona dihemminaꞌone; bakkooch beeton kubbi cooxoyich maayo tuniiree immemmo taane; mishigoonaa gofoonooch beetinaꞌo biiyoona qitemminaꞌone.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Mikiyaasi 7:17

Dingeroochoommon, showoona yuummiibeeti mooyinaꞌochoommonoo buttoon baaxxemminaꞌone. Qewebee boonoshi mishigoochee keyi woyemminaꞌone. Shatona no Nuggishoo Doono Yeeri ne waan wottemminaꞌone; neenoo shati beeyemminaꞌone.

Naahoomi 3:11

Ittoshiyoo ebiyoommon, masheree shaaweyemmo ittoshine; ittoshi etteenaꞌo waanee aashe ittoshi wodemmi xaaꞌoon qaawemmo ittoshine.

Haagi 2:6

“Wotta Beshe Mawe Doono Yeeri ishichiye: ‘Katinoon showoonaa shimaayoonon, baharoonaa shuuꞌi showoonon ikke wottoon wochinnoon shuurikkemmo taane.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Luqaasi 23:30

Arooba asheenaꞌo, ‘Guudinaꞌote, no toommooch dihibote! Hini geppeenaꞌote, noon qeribote’ gettemminaꞌone.

2 Tasaloonqi 1:9

Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.

Hibireena'o 11:38

Cadiqeenaꞌo boonoshi tunetoyich, boonoshi daggooch beemoyich hini alemee asheenaꞌo bedditinaꞌo tuneꞌi daneyaaneenaꞌone; ebich boonoshiyee bariꞌi oppoonaa kubbeexi gofoonooch qeyiibee, barahoonaa geppee toommonooch yallyallimii beeheete.

Hibireena'o 12:26

Arooba Yeerichi qaaro showoon shuurikkiye; tunebaani “Wochinnoon ikke wottoon showoon baach tuneyaanoon, shimaayoonoo wotta shuurikkemmo taane” iꞌi hini yemeeneechon gettitone.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 16:18

Xeeyee phaqqoo, ooge qaaroonaa xeeyee qaaroona tunehe; oogeti showee qewo tunehe. Asho halleetoochee tiijjiꞌi ebiich beddaahaa ebiyoommi ooge showee qewo tunee ariyaanoone; hini bulliyee beshe shattiiti showee qewoone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 9:6

Aroobee yemeenooba asheenaꞌo qitoon qaawemminaꞌone; tunebaani daneyaacheete; qitiya qaatemminaꞌone; tunetaa qitoo boonoshiyee wokkemmone.

1 Saameeli 13:6

Israꞌeeleenaꞌo boonoshi etteenaꞌo kupphiiꞌi boonoshi ginee naayinaꞌon kochitoyich, boonoshich mooyo maggoo bi tunoon ariiheete. Ebich boonoshi daggoochee xaqqee gofooch, kuchooch, xaqqee daggooch, xaqqee gogginonaa oppoonooch aasheheete.

1 Saameeli 14:11

Ebina boonoshi guttiyona Filsixeemee ginee naayinaꞌoyich bekkeheete. Filsixeemeenaꞌoo “Ebiyoche, Hibireenaꞌo boonoshi aasheti oppoochee kechii beetinaꞌone” iyeete.