Isiyaasi 2:12 - Kafa Linguistics Project

¹² Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 2:12 ပူးပေါင်းရင်းမြစ်များ

2 Saameeli 22:28

Xukketinaꞌon wodiihine; tunebaani geecechinaꞌon giishiihine.

Iyoobi 24:1

“Beshe Hakkechi Yeeri bi nallemmi aaboon amoyich taajjeyaache? Bi nalloon, biich gibeneetinaꞌo amoyich beegaacheete?

Shoddo 131:1

Doono Yeero, geecoona ta qelloon yeephaano taane; qillifoonoo ciixaano taane; taach maggoo tuneti, ta gaboyee beshiti mooyoyich, aaxxiyaache.

Shoddo 18:28

Doono Yeero, ne, ta ceechoon aaxxiihine; ta Nuggishoo ta manderoon bekkooch wochiye.

Shoddo 37:13

Gondeenaꞌochi aallee aabo katinon bi arii beetoyich, Doono Yeeri boonoshi toommooch miicciye.

Shoddo 94:2

Showee toommooch Nallechocho, tibe; geecechinaꞌon naxebe.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 10:33

Ebiyoche Doono, Beshe Mawe Doono Yeeri, ooge bi giidoona michi qaakkoon kuxi bajjemmone; neexoon genjeti, kaama qaalliti mixinaꞌon kuxi bayiree giishiyemmone.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 13:9

Showoon shokko echiyoyich, axaaxechinaꞌon bi daggoochee aalliyoyich, maacmanjoon tuneꞌi, naxoona, kupphe kaaroona ceenniꞌi ebiyoche Doono Yeerichi aabo waa beetone.

Isiyaasi 14:15

Tunebaani and Siꞌoolooch, maash kindito neene.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 24:4

Showoo shuuqqiye; mocee waamo bulliyoo shoolliye; showee toommeexi ogoogeenaꞌo giidoo mucceheete.

Isiyaasi 40:23

Biyoo ukkireenaꞌon giishiihe; showoon qeejjii beetinaꞌochi oogoon shoottiye.

Isiyaasi 42:15

Guudinaꞌonaa geppeenaꞌonon aalliyemmo taane; arooch colleto bullin shuuꞌiyemmo taane; aacinaꞌon shuuꞌi showoon tuniyemmo taane; kote aacinaꞌon shuuꞌiyemmo taane.

Isiyaasi 5:15

Asho cooneyemmone; asheenaꞌo giishemminaꞌone; geecechochi qillifoo niremmone.

Isiyaasi 61:2

Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Erimiyaasi 12:9

Ta hajjee asheenaꞌo, gaceenaꞌo yecha giichiti, kafoon taach shaahiteete. Waaree boonoshi maayemmoyich, hami showee toommeexi cooxinaꞌo bullin kicibote.

Erimiyaasi 13:9

“Yihudee asheenaꞌochi geecoonaa Yerusaalemi asheenaꞌochi ooge geecoonon ebiyoommon duubiyemmo taane. Ta qaaroon waayo qajjiibeeti, babbereꞌi boonoshi hajjee gaboo waan wotteebeeti, boonoshich maddoonaa goyinnoonoyich bare nuggisheenaꞌon dabbiibeeti, ebi gonde macceenaꞌo, amoyichona gaacaani ebi buroommon tunemminaꞌone. Buroo ashi shimetooch xaaqqeyoommon, Israꞌeelee kechi asho bullinaa Yihudee kechi asho bullinon taanna xaaqqiyoye; ebiyoo ta ashoon boonoshi tunemmoyich, boonoshina ta shigo arichemmoyich, galleteyemmonaa oogemmonoyichiye; tunebaani boonoshi waayeyaaneenaꞌone, iye Doono Yeeri.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Erimiyaasi 46:10

Ebi aabo Beshe Mawe Nuggishoo Doono Yeeri aaboone; bi etteenaꞌo toommooch nichoon bi gaaccemmi aaboone. Bi goraado bi michimmi wottoon maayemmone; bi shachewoo tooqqimmi wottoon damoon uchemmone. Ebiyoo Beshe Mawe Nuggishoo Doono Yeeri dambi-waan, Efiraaxisee aachi gashooch deejjoon deejjemmo bi tunetoyichiye.

Erimiyaasi 50:31

“Hini geecechocho, ne toommooch taane” iye Beshe Mawe Nuggishoo Doono Yeeri. “Ebiyoo neen ta sheeremmi aabo bi shaggitoyichiye.

Hiziqeeli 13:5

Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Amootsi 5:18

Doono Yeerichi aaboon qaatiibeeti ittoshich woowo! Ebi aaboon ittoshi qaatiibeeto amoyichiye? Ebi aabo ittoshich manderee aaboani bekko toonoone.

Mikiyaasi 2:3

Illa ebich Doono Yeeri ishichiye: “Muricon ittoshi hakkaani gonde mooyon ittoshi toommooch deeba ii beeto taane. Ebi aabo kupphe aabo bi tunetoyich, aafichoommon geecoona shaꞌeyaachemmo ittoshine.

Mikiyaasi 5:11

Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane;

Sofoniyaasi 1:16

Ebi aabo, xaqqee uxerechi katemoonaa genje dilaaloonoochaa tiree qaaroonaa ginoochaa cookeebeeti qaaroona waayeyemmi aabo tunemmone.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 23:12

Bi qelloon oogiimmo bulli giishemmone; bi qelloon giishiimmo bulli oogemmone” iye.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

1 Qorontoosi 5:5

bi meeno aalleechaa Doono Yesuus Kiristoosi woyemmi aabooba bi kasho wodemmoyich, ebiyoommi asho Sheexaanoyich beshiitaa ichebe.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.