Isiyaasi 2:11 - Kafa Linguistics Project

¹¹ Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:11 ပူးပေါင်းရင်းမြစ်များ

2 Saameeli 22:28

Xukketinaꞌon wodiihine; tunebaani geecechinaꞌon giishiihine.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shoddo 18:28

Doono Yeero, ne, ta ceechoon aaxxiihine; ta Nuggishoo ta manderoon bekkooch wochiye.

Shoddo 20:8

Eboshi tepheeree dihemminaꞌone; tunebaani no tiyiree, manji neexemmo noone.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 94:2

Showee toommooch Nallechocho, tibe; geecechinaꞌon naxebe.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 12:4

Arooba ishichemmo ittoshine: “Doono Yeerin galletebote; bi shigoonoo ceegote; bi tuniitonoo aageteenaꞌo daggooch arichiibote; bi shigo oogeto bi tunoon awaajjibote.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 14:15

Tunebaani and Siꞌoolooch, maash kindito neene.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 28:5

Arooba Beshe Mawe Doono Yeeri, muriccii echeti bi asheenaꞌoyich oogee ukoon, malleteechi gubbichoon tunemmone.

Isiyaasi 29:18

Ebi arooba, ulleenaꞌo boonoshich shemmeebeeti macaafoon waayemminaꞌone; manderooch beebee echeti aaf doogeenaꞌoo boonoshi aafo qecheetaa ciinnemminaꞌone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Isiyaasi 4:1

Arooba shabaatte maacheenaꞌo ikke anaamon yeshiree, “No hajjee maayoon maayemmo noone; no hajjee tahoonoo tahemmo noone; ne mecheenaꞌo tuneree baach no ceekketaa, kenaalleenaꞌone getaa no cooneyoo no waanee wohe” gettemminaꞌone.

Isiyaasi 40:23

Biyoo ukkireenaꞌon giishiihe; showoon qeejjii beetinaꞌochi oogoon shoottiye.

Isiyaasi 52:6

“Ebiyooba ta asheenaꞌo ta shigoon, ebin gettaabeeto ta tunoonoo ariyemminaꞌone; ebin gettaabeeto taane” iye.

Erimiyaasi 12:9

Ta hajjee asheenaꞌo, gaceenaꞌo yecha giichiti, kafoon taach shaahiteete. Waaree boonoshi maayemmoyich, hami showee toommeexi cooxinaꞌo bullin kicibote.

Erimiyaasi 9:24

tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.

Hiziqeeli 38:14

“Ebich ashi bushoocho, Googi toommooch ishichi keemoon keembe; Nuggishoo Doono Yeeri ishichiye: ‘Ta asheenaꞌo tuneti Israꞌeeleenaꞌo diggoona boonoshi beehooba, ne tiyemmo neene.

Hiziqeeli 38:19

ebiyooba Israꞌeelee showooch, oogeti showee qewo tunemmo bi tunoon ta qanaatoona, ta neboonoo getteto taane.

Hiziqeeli 39:11

“ ‘Ebiyooba Israꞌeelee showoochee baharoochaa aabi-keyo waanee, gommechinaꞌochi bamboochee, Googich maashee xaaꞌoon immemmo taane; biyoo beshe kaattoon bayi deqqemmone; arooch Googinaa dofee bi asheenaꞌo bullina duukkeyemminaꞌone; ebi bamboo Hamoon Googi getaa ceekkemmone.

Hiziqeeli 39:22

Ebiyee bekk Israꞌeelee macceenaꞌo Doono Yeeri ta, boonoshi Nuggishoo ta tunoon ariyemminaꞌone.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Hosee'i 2:16

“Arooba taan bi ceeggemmo ‘Ta keno’ getireeshalli ‘Ta Baꞌaalo’ getiree toonoone. Baꞌaaloochi shigoon bi noonoochee wokkiyemmo taane. Ebiyee damba bi shigo tiyaachemmone” iye Doono Yeeri.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Hosee'i 2:21

Arooba ta, shimaayoyich wochemmo taane; shimaayoo showoyich wochemmone; showoo maayoyich, woyinee uyoonaa zayitoonoyich wochemmone; boonoshiyoo Yezireelich wochemminaꞌone. Ta asheenaꞌon showee toommooch bechemmo taane; ‘Ariqqeeyaaneenaꞌo’ getteetinaꞌon ariqqemmo taane; ‘Ta asheenaꞌo toono ittoshine’ getteetinaꞌon, ‘Ta asheenaꞌote’ gettemmo taane. Boonoshiyoo ‘Ne, no Nuggishoo neene’ getteminaꞌone” iye Doono Yeeri.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Abidiyi 1:8

“Edoomeenaꞌon ta naxehooba, ariyechinaꞌon Edoomee showoochee, shalligechinaꞌonoo Esayichi guudi toommoochee aalliyemmo taane, iye Doono Yeeri.

Mikiyaasi 2:3

Illa ebich Doono Yeeri ishichiye: “Muricon ittoshi hakkaani gonde mooyon ittoshi toommooch deeba ii beeto taane. Ebi aabo kupphe aabo bi tunetoyich, aafichoommon geecoona shaꞌeyaachemmo ittoshine.

Mikiyaasi 4:6

Doono Yeeri ishichiye: “Ebi arooba, baata sheqqeenaꞌonaa kecceree boonoshi hammemmoyich ta tuniitaa duꞌetinaꞌonon kicemmo taane.

Mikiyaasi 5:10

Doono Yeeri ishichiye: “Ebi arooba, ittoshi haresheenaꞌon ittoshi kishoochee tiijjemmo taane; ittoshi gaarinaꞌonoo aalliyemmo taane.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Sofoniyaasi 3:16

Ebi arooba, Yerusaalemich ishichaa getteyemmone: “Tsiyooni katemee asheenaꞌote, shattaahote! Ittoshi mochoo niraaye!

Zakaariyaasi 9:16

Ebi aabo shagiyooba, qiddoo bi bagoon bi wodiyoommon, boonoshi Nuggishoo Doono Yeeri bi asheenaꞌon wodiyemmone. Gubbichee toommooch beeti shasho waccoommon boonoshiyoo bi showoochaa waccemminaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

2 Qorontoosi 10:17

Tunebaani, “Geecemmo Doono Yeerina geecibe.”

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

2 Tasaloonqi 1:10

Ebi arooba bi yaafeenaꞌo, eboshiyoo boonoshi mulloon bi toommooch tooꞌiiti asheenaꞌo bulli, biin oogiyemminaꞌone; bi oogee yiiroona worganemminaꞌone. Ittoshi wotta ittoshich no miixeton ittoshi iberiitoyich, ebi are yaafeenaꞌona tookki tunemmo ittoshine.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.