Isiyaasi 19:25 - Kafa Linguistics Project

²⁵ Beshe Mawe Doono Yeeriyoo “Ta asheenaꞌo tuneti Gibitseenaꞌo, ta kishee shuuneenaꞌo tuneti Asooreenaꞌo, ta iristeenaꞌo tuneti Israꞌeeleenaꞌo diireebeete” geti diiremmone.

Isiyaasi 19:25 ပူးပေါင်းရင်းမြစ်များ

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 115:15

Showoonaa shimaayoonon halliti, Doono Yeeri ittoshin diiribe.

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Isiyaasi 19:24

Arooba Israꞌeeli, Gibitsee showoonaa Asooree showoona tookki keejjinnee tune haddeyemmine; showoo bullichoo diiroo tunemminaꞌone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Isiyaasi 63:17

Doono Yeero, ne gommoochee no kechemmoyich amoyich tuniinne? Neen no shataachemmoyich no mulloon amoyich muumiinne? Ne guuninaꞌoyicha getiree, ne hajjoo tuneti yoodeenaꞌoyicha getiree, no waan wottebe.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Isiyaasi 65:23

Boonoshinaa boonoshi bushiishoona Doono Yeerina diireetinaꞌo boonoshi tunetoyich, duuboon aayaachemminaꞌone; aallemmi bushiishoon shiyaachemminaꞌone.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 2:7

Arooch beeti maayoonaa gaawe mooyonon ittoshi maayemmoyich, qeemi showooch ittoshin deebehoye. Tunebaani ittoshi giyiꞌi ta showoon eeꞌiihote; ta showoonoo ciigiihote.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Haddoo 24:1

Balaamiyoo Doono Yeeri Israꞌeeleenaꞌon diiriya bi qaawoon bi ariitoyich, aafichoommon kaayiya hamaanoone; tunebaani barahoo waan guuddii ciinniye.

Haddoo 6:24

“Doono Yeeri neen diiribe; neen quyebe;

Haddoo 6:27

“Ebina ta shigoon ceeggiꞌi Israꞌeeleenaꞌon boonoshi diirigaata, tawoo boonoshin diiremmo taane” iye.

Roomi 3:29

Halla Yeeri Ayihudeenaꞌo ikkeetochi Nuggishoo baachiye? Aageteenaꞌoyichoo wotta Nuggishoo toone? Eeha, boonoshich wotta Nuggishoone.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.