Isiyaasi 19:20 - Kafa Linguistics Project

²⁰ Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Isiyaasi 19:20 ပူးပေါင်းရင်းမြစ်များ

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 20:4

Asooree taatoo, kecceti Gibitseenaꞌonaa Topphiyeenaꞌonon, gurimaashoonaa geenoonon, shokke qeddoonaa shokke baatoonon tuniiree daammemmone; boonoshi achoon shokko tuniiree, Gibitseenaꞌon yeelliyemmone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Isiyaasi 43:11

Ta, Doono Yeeri taane; tayee besh wodiyecho aalloone.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 45:15

Wodiyechi Israꞌeelee Nuggishoocho, ne, ne qelloon aachaabeeti Nuggishoo neene.

Isiyaasi 52:5

Doono Yeeri ishichiye: “And hiniich taach amo beete? Ta asheenaꞌo naboo aalloon yeshaa hammitinaꞌone; boonoshi ukkireenaꞌo cookiyeete; bulli aaboon ta shigo naakkehe” iye Doono Yeeri.

Isiyaasi 55:13

Angichi keroon ciidee mixo, guccini keroon hadaasee mixo, collemmone; ebiyoo Doono Yeeri ta shalligeyemmo tunemmone; bulli aabooch aalleyaani malletoo tunemmone” iye.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaasi 22:34

Roobeelinaa Gaadinochi yoodeenaꞌoo, “Ebi deejjee gudo no bullich Doono Yeeri Nuggishoo bi tunee miixoone” iꞌi, deejjee gudoon Miixoo ii shigiiheete.