16 Arooba Gibitseenaꞌo maacheen shaahemminaꞌone; Beshe Mawe Doono Yeeri boonoshi toommooch bi mochoon bi tiijjimmona shati qewemminaꞌone.
Aroochaa shattii qeweheete; maaxoo manjeti ureen shaahiyeete.
Gibitsee showoo bulliich ebiyee aaf tunee ariyaani, ebiyee gubboo waayeyaachemmi oogeti caago tunemmone.
Hanaach, etto bi beeto Noobi katemoochiye; aroochaa Tsiyooni maache busheechi geppee toommooch, Yerusaalemi katemee toommooch miichoona bi kishoon shuurikkii beetone.
Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.
Shokkaachoo tuneti geppee toommoochaa malletoon tiijjibote; qaaroon oogichiree cookibote; ogoogeenaꞌochi kelloonoo boonoshi giyemmoyich, kishoona malletebote.
Ikke ashi miicho ittoshi daggoochee humeenaꞌon yoohi aalliyemmone; uucheenaꞌochi miicho ittoshi bullin yoohi aalliyemmone; ittoshi bulli woccii aallemmona, echeti giishecheenaꞌo guudi toommeexi baanderee mixochoommon, geppee toommeexi malletoochoommon tuneree echemminaꞌone” itone.
Goraado bi haresheenaꞌonaa bi gaarinaꞌonochi toommooch, bi daggoochoo beeti baribare macceenaꞌo toommoochiye; boonoshiyoo maacheen tunemminaꞌone! Goraado boonoshi yaaphee toommoochiye; boonoshiyoo boggeyemminaꞌone!
Baabloonee ginee naayinaꞌo koyoon qajjitinaꞌone; boonoshi mishigooch kotetinaꞌone; boonoshi hakkoo niretone; maacheen shaahitinaꞌone; bi kexinaꞌonoo qaaqqoo maatone. Bi tuggeenaꞌo kuxetinaꞌone.
Temaani katemeexi ginee anaaminaꞌo keqqemminaꞌone; asho bulli Esayichi guudi toommoochee wuxaa aallemmone.
Ittoshi ginee naayinaꞌo maacheyoomminaꞌone; ittoshi showooch giyeebeeti kelleenaꞌo, ittoshi etteenaꞌoyich gamichaa qecheetinaꞌone. Boonoshi tuggeenaꞌon qaaqqoo michii aalliitone.
Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.
Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.
“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.
Ebich ittoshi daggooch ta yagito giidoo qachaabee, shattaabee, oogetonoo qewaabeeniye.
Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.
Beeyechi Yeerichi kishooch dihoo am shaahe shattiiti mooyone!