Isiyaasi 19:1 - Kafa Linguistics Project

¹ Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 19:1 ပူးပေါင်းရင်းမြစ်များ

Shoddo 104:3

Dambee aachi toommooch ne kexon haggeto neene; quboon ne gaari tuniihine; yongi qoshoona hammaabeeto neene.

Shoddo 104:34

Doono Yeerina ta emiroommon biyoo ta gaboona emiribe.

Shoddo 18:9

Shimaayoon qechiꞌi dugilla kindiye; bi baatee dechiich mandereti qubo beetone.

Shoddo 68:4

Yeerich shoddebote; galletee shoddoon bi shigoyich shoddebote; qubee toommona hammii beetoyich, gommon qanniibote; bi shigo Doono Yeerine; bi aafoochaa emiribote.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 13:7

Ebich mochoo bulli niremmone; asho bullichi mullo muujjemmone.

Isiyaasi 19:16

Arooba Gibitseenaꞌo maacheen shaahemminaꞌone; Beshe Mawe Doono Yeeri boonoshi toommooch bi mochoon bi tiijjimmona shati qewemminaꞌone.

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Erimiyaasi 25:19

Gibitsee taatoo Faroonich, bi maddechinaꞌoyich, bi ukkireenaꞌonaa bi asho bullinoyich,

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 44:8

Ittoshin aalliyoyich, showee toommeexi aageteenaꞌo daggoochaa wuche, ittoshi getteyemmonaa naaggeyemmonoyich, beeya ittoshi waati Gibitsaa bare nuggisheenaꞌoyich ixaanoon shoohona, ittoshi kishee shuunoona ta kaaremmoyich ittoshi tuniibeeto amoyichiye?

Erimiyaasi 50:2

“Aageteenaꞌo daggooch getote! Awaajjibote, baanderoon tiijji awaajjibote! Aachiyaahote, ishichibote: ‘Baabloonee showoo yechetone; Beeli yeelletone; Merodaaki keqqitone; bi misileenaꞌo yeelletinaꞌone; bi shahalleenaꞌo keqqiteete’ getote.

Erimiyaasi 51:44

Baabloonee nuggishoo Beelin naxemmo taane; bi qooxxiton aaphiyemmo taane; ebiyee bekk aageteenaꞌo arooch oriheyaachemminaꞌone. Baablooni xaqqee uxeroo dihemmone.

Hiziqeeli 30:13

“ ‘Nuggishoo Doono Yeeri ishichiye: Shahalleenaꞌon aalliyemmo taane; Memifisi beeti misileenaꞌon aalliyemmo taane; ebiyee bekk Gibitsee showooch iraashoo beetaachemmone; Gibitsee showoochoo shaton deejjemmo taane.

Yoꞌeeli 3:19

Boonoshi showoochaa xalle ashi damoon boonoshi ukkitoyich, Yihudee asheenaꞌon boonoshi xuqqitoyich, Gibitsee showoo ashaalli xafo, Edoomee showoo barahoo, tunemmone.

Naahoomi 1:1

Nanawi katemeechon Doono Yeer waanee getteeti wocho ebine. Yeeri Eliqooshi gafee asho tuneti Naahoomi ebi mooyon yaaꞌoona bi beeggemmoyich tuniitaa, biyoo ebi aroon hini macaafooch kooritone.

Naahoomi 1:3

Doono Yeeri kaatee kaareyaanoonaa oogeti giidechonane; tunebaani amolla tunetaa, gonde shuunechon sheeraanoon cikkii qayaache. Bi gommoo yubee yongoonaa yuppuppoonochi daggoochiye; quboo bi baateexi quttoone.

Zakaariyaasi 10:11

Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.

Zakaariyaasi 14:18

Gibitseenaꞌoo baaroon baaroyich womo boonoshi qayigaata, Doono Yeeri Bashee (Yambaaree) Baaroon baaroyich waataani aageteenaꞌo toommooch bi deebiti naxoommi naxoon boonoshi toommoochoo deebemmone.

Haddoo 33:4

Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yaasi 2:11

Ebin no waayehooba, no mullo keqqoona goojjitone. Ittoshin shatoochee tiyitona keqqaani ikke asholla aalloone. Ittoshi Nuggishoo Doono Yeeri damba shimaayooch, desh showoochoo Nuggishoone.

Yaasi 2:24

Boonoshiyoo daakkiꞌi, “Iberoon Doono Yeeri are showoo bullin no kishooch beshiiꞌi immitone; are showooch beeti asheenaꞌo bulli noon shatoochee tiyitona, keqqoona boonoshi muuyon beeggeto noone” iyeete.

Yaasi 2:9

boonoshich ishichiyan: “Doono Yeeri hini showoon ittoshich bi imon, oogeti shato ittoshi naboona no toommooch bi kindoon, hini showeexi asheenaꞌo bulla keqqoona muuyonoo ariiti taane.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.