Isiyaasi 17:14 - Kafa Linguistics Project

¹⁴ Xum ebiyoche keqqoo tunehe; tunebaani showoo haroyee shiichiree aallemminaꞌone; noon kochii, boggii beetinaꞌo toommooch tunemmi mooyo ebine.

Isiyaasi 17:14 ပူးပေါင်းရင်းမြစ်များ

2 Taateenaꞌo 19:3

Boonoshiyoo hammiꞌi, Isiyaasich, “Hiziqiyaasi ishichiye: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa agaatoyich hakkoo guuteeti maacheen shaahito noone.

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Iyoobi 20:29

Yeeri gonde ashoyich qoccemmi qoco, bi toommooch bi deebemmi aallo ebine” iye.

Shoddo 37:36

Wochinnoon aroona beshaꞌa biin muccehoye; ta qaawaa arooch aallehe.

Shaahiyoo 22:23

Ebiyoo Doono Yeeri boonoshi taggoon taggemmo bi tunetoyichiye; boonoshin boggii beetinaꞌochi kashoon boggemmone.

Isiyaasi 10:25

Ittoshi toommooch ta kaareti kaaro giisheche aaboyee gubb neexemmone; ta kaaro boonoshi waan guudiree, boonoshin aalliyemmone” iye.

Isiyaasi 21:12

Tawoo wochaꞌa, “Haroon, hariya ii beetone; tunebaani wochi xumemmone; echoon ittoshi qaawigaata, echebote; wochinnoon wotteree wobote” iyo.

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 29:5

Tunebaani meeti ne etteenaꞌo qacini buttoommon tunemminaꞌone; meeti mulli manjeenaꞌoo beshee hammiibeeti maayi maaxxoochoommon diqqoona aallemminaꞌone.

Isiyaasi 29:7

Arelin kochiibeeti meeti aageteenaꞌo bulli, gumo aalloommon aallemminaꞌone; biin kochii duꞌii beetinaꞌo, manje bi mishigeenaꞌonoo kochii beetinaꞌo, xum bekkeebeeti yaaꞌoommon aallemminaꞌone.

Isiyaasi 30:28

Bi hiinno qettooch bedditi, hidii daammiibeeti aacoommone; taatittineenaꞌon gemoona woqqoommon woqqi, boonoshi gammooch lugaamoon qapphiiree aallooch daammemmone.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:18

Wonna ittoshi keqqiti keqqoon gabibee “Ukkiroo aaye? Machoona qocciꞌi gibiroon deqqecho aaye? Dilaalee ukkiroo aaye?” gettemmo ittoshine.

Isiyaasi 34:17

Bi boonoshich ixoon duppiye; bi kishoonoo woderoona boonoshich qoodiye; boonoshi bulli yemeenooch hajjemminaꞌone; shiijjeroochee shiijjerooch beddaahaa arooch kotemminaꞌone.

Isiyaasi 41:12

Ne etteenaꞌon qaawemmo neene; tunebaani boonoshin daneyaachemmo neene; neenna koyee beetinaꞌo billiiree aallemminaꞌone.

Erimiyaasi 2:3

Israꞌeeli, Doono Yeeri taach baritine; qaabbe maayi cilloommine; aroon maato bulli xuꞌechon tunee beehe; ebich gonde mooyo bi toommooch waa beehe’ iye Doono Yeeri.”

Erimiyaasi 49:10

Tunebaani ta, Esayin shokkaachoon echiihoye; aashoon bi hakkaachemmoyich, bi aashe xaaꞌeenaꞌon gaxxiyoye; bi bushiisheenaꞌo, bi maneenaꞌo, bi giyeenaꞌo aalletinaꞌone; biyoo beetaachemmone.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Zakaariyaasi 2:12

Doono Yeeriyoo yaafeeti showoochaa Yihudin bi hajjoon tuniyemmone. Yerusaalemin wochinnoon kaaccemmone.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.