Isiyaasi 17:10 - Kafa Linguistics Project

¹⁰ Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 17:10 ပူးပေါင်းရင်းမြစ်များ

1 Kiinoo 16:35

Biichoo ishichibote: “Noon wodiyechi no Nuggishoocho, noon wodiibe; neen no galletemmoyich, yaafe ne shigoon no oogiyemmoyich, aageteenaꞌo daggoochee noon shiweree, ikkooch noon kicibe” getote.

Shoddo 106:13

Tunebaani bekkech bi shuunoon batteheete; bi ciicoonoo haaꞌii quyoon qajjiyeete.

Shoddo 106:21

Gibitsee showoochaa gaakkechi mooyon tuniiti, boonoshin wodiyechi Yeerin batteheete.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 31:2

Ne waamon ta waan gaꞌiibe; afaafinoona waaree taan wodiibe; deebe xaqqoon tuneree, manje mishigoonoo tuneree, taan wodiibe.

Shoddo 65:5

Yeeri noon Wodiyechocho, worganikkiti cadiqe mooyon tuniyoona no corootoon waayehine. Showee tuggooch beddaahaa, wohooch beeti baharooch beddaahaa, beetinaꞌoyich gibeno neene.

Shoddo 79:9

Noon wodiyechi Yeero, ooge ne shigoyicha getiree noon gaachebe; ne shigoyicha getiree noon wodiibe; no axaaxoon maaribe.

Shoddo 85:4

Illa and aafi no beemooch noon wochibe; noon wodiyechi Yeero, no toommeexi ne kaaree shiixxoon wokkiibe.

Shoddo 9:17

Gondeenaꞌo maash hammemminaꞌone; Yeerin batteebeeti aageteenaꞌo arooch hammemminaꞌone.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 17:9

Arooba, Israꞌeeleenaꞌochi naboona shokko echeti Hiweenaꞌonaa Amooreenaꞌonochi katemeenaꞌo shokkoon echoommon, manje boonoshi katemeenaꞌo shokkoon echemminaꞌone.

Isiyaasi 18:5

Woyinee aafo macee gooroyee shiichiꞌi woyinee bungoo ooyaa, aafoo kashiyooba, woyinee ateenaꞌo aci shikkoona kuxaa boonoshi duppoommon, Doono Yeeri are showeexi asheenaꞌon aalliyemmone.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 30:29

Tunebaani yaafeeti baaroobee xum ittoshi shoddee beetoommon shoddemmo ittoshine; Israꞌeeleenaꞌochi Xaqqee Inderoo tuneti Doono Yeerichi guudooch, shumburoon huggiibee hammiibeeti ashichoommon ittoshi mullo emiremmone.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Erimiyaasi 12:13

Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.

Erimiyaasi 17:13

Israꞌeeleenaꞌochi gibeno Doono Yeero, neen qajjiibeeto bulli yeellemmone; neyee barii beetinaꞌo, kashee xuupho Doono Yeeri neen boonoshi qajjitoyich, buttooch kooreeti shigoochoommon aallemminaꞌone.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 3:21

Boonoshi Nuggishoo Doono Yeerin boonoshi battetoyich, boonoshi gommon boonoshi xummiitoyich, Israꞌeeleenaꞌochi eefonaa qollee qaaroona, hulloo tuneti geppeenaꞌoochaa waayeehe.

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 23:35

Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Yoꞌeeli 1:17

Maayi yaroo showoochaa qititone; maayo aalletoyich, maayi kicee kexinaꞌo shokkoon echetinaꞌone; goteenaꞌoo tiishetinaꞌone.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Leweenaꞌo 26:20

Aajjii ittoshi shuunetaa amoonolla ittoshich gaacaachemmone. Ittoshi showoo maayoon shakkiyaachemmone; ittoshi showee toommooch beeti mixinaꞌoo aafoon aafeyaachemminaꞌone.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Imbaaqoomi 3:18

ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.

Yibbaatoo 28:30

“Mecheen shaagga maakkiyemmo neene; tunebaani baroo daamiree biin qeyemmone. Kexon haggemmo neene; tunebaani arooch beetaachemmo neene. Woyinoon bechemmo neene; tunebaani bi aafoon maataachemmo neene.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

Yibbaatoo 32:31

Boonoshi nuggisheenaꞌo no Nuggishoochoommon, giidechi deebeenaꞌo boonoshi tunee qayon, boonoshi etteenaꞌo boonoshi qelloona arii beetinaꞌone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Yibbaatoo 8:11

“Ebi hanaach neech ta gettaabeeti bi geteenaꞌon, doyeenaꞌonaa qociyeenaꞌonon quyee qayona ne Nuggishoo Doono Yeerin ne batteyaachemmoyich ne qelloon ariibe!

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Yibbaatoo 8:19

“Ittoshi Nuggishoo Doono Yeerin batteꞌi, goyinne maddeya bare nuggisheenaꞌo waan ittoshi wottegaata, ciroona aallemmo ittoshi tunoon ta hanaach ittoshich xiishaa gettaabeeto taane.