Isiyaasi 17:1 - Kafa Linguistics Project

¹ Damaasiqichon Doono Yeer waanee getteeti wocho ebine: “Ebiyoche, Damaasiqi ebiyee bekk katemoo bi tuno echemmone; happeeree xaqqee gutoon tunemmone.

Isiyaasi 17:1 ပူးပေါင်းရင်းမြစ်များ

Halloo 14:15

Abraami xumoona bi asheenaꞌon guuphi guuphona bi qoodaa, boonoshiyoo ebi awudde taateenaꞌon kochiyeete. Kochii wochiꞌi, Damaasiqaa dambi-waan beeti, Hooba beddaahaa yookkiyeete.

Halloo 15:2

Abraamiyoo “Nuggishoo Doono Yeero, bushaallo ta tunetoyich, taach ne immemmi mooyo taach amoon hallehe? Taach beeto bullin woraashemmo, hini Damaasiqee asho Elezeerine.

1 Taateenaꞌo 11:24

Tsobaahee ginee naayinaꞌon Daawiti wuxitoyee gubb, Rezooni asheenaꞌon bi waan kiciꞌi bokkeeneꞌochi ukkiroo tunehe. Ebi asheenaꞌoo Damaasiqa hammiꞌi, arooch koteheete; Damaasiqaanoo biin taatiiheete.

2 Taateenaꞌo 16:9

Asooree taatoo bi qolloon waayeꞌi, Damaasiqin kochii yechiye. Areexi asheenaꞌonoo kecciꞌi, Qiiri katemooch daammiye; Sooriyee taatoo Resininoo wuxiye.

1 Kiinoo 18:5

Damaasiqa beeti Sooriyeenaꞌo Tsobaahee taatoo Hadadezeerin gaacheya waataa, Daawiti boonoshi daggoochee hiyaa gutte hume asheenaꞌon wuxiye.

2 Kiinoo 28:23

Biyoo “Sooriyee taateenaꞌochi nuggisheenaꞌo Sooriyeenaꞌon boonoshi gaachetoyich, boonoshich deejjoon ta deejjigaata, taanoo gaachemminaꞌone” iꞌi biin kochii wochiti Sooriyee nuggisheenaꞌoyich deejjoon deejjiye. Tunebaani ebi, biinnaa Israꞌeelee showoonoyich aalloon deebiye.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Isiyaasi 10:9

Karikemishin no aalliyoommon Kalinoonin aalliito noone; Arifaadin no aalliyoommon Hamaatin aalliito noone; Damaasiqin no aalliyoommon Shamaarin aalliito noone.

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 15:1

Moꞌabichon Doono Yeer waanee getteeti wocho ebine: Moꞌab beeti Ari katemoonaa Qiiri katemoona ikke xumoon aallemminaꞌone.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 25:2

Katemoon xaqqee gutoon tuniito neene; mishigechi katemoo happee aallemmoyich tuniito neene; no etteenaꞌochi taatee kexo ebiyee bekk beetaachemmone; ciroona wochinnoon shuuneyaachemmone.

Isiyaasi 37:26

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Isiyaasi 7:16

Tunebaani nallefoo gondoon shixo, deꞌoon shuno bi hakkoyee shiichiree ne shatteti gutte taateenaꞌo showoo ashaallo tunemmone.

Isiyaasi 7:8

Sooriyeenaꞌochi shimbo Damaasiqine; Damaasiqi shimbo Resinine; Efreemiyoo shichaa uuche nati daggooch tiishemmone; ebiyee bekk aagetee showoo tuneyaachemmone.

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Mikiyaasi 1:6

Ebich Doono Yeeri ishichiye: “Shamaarin xalle gaddooch beeti xaqqee gutoon tuniyemmo taane; woyino becheebeeti xaaꞌoon tunemmone. Bi xaqqeenaꞌon bambooch gederikkemmo taane; dechi bi hecoonoo happemmo taane.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Zakaariyaasi 9:1

Ebi Doono Yeeri gettiti wochoone: Doono Yeeri Israꞌeelee yoodeenaꞌon, asheenaꞌo bullinoo ciinnii beetone. Doono Yeeri Hadiraakee showoonaa Damaasiqi katemoonochi toommooch nallemmone.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Yibbaatoo 13:16

Areexi asheenaꞌochi qiico bullin deebiree katemee addibaabooch gutibote. Timeeti mooyinaꞌo daggoochee amoonolla ittoshi kishooch echiyaahote. Ittoshi Nuggishoo Doono Yeerich micciibeeti deejjoon tuniiree, are katemoonaa ebi qiiceenaꞌo bullinon qaaqqoona michibote. Are katemoo bulli yemeenoon happaa aalleton tunebaani, wochinnoon shuuneyaaye. Ebina Doono Yeeri kupphe bi kaaroon qayi wottemmone; ittoshichoo ariqqemmone; ittoshi qaabbechinaꞌoyich wogeꞌi bi gibenikkitoommon, shiyi shiijjereree ittoshi meettemmoyich tuniyemmone.