Isiyaasi 16:5 - Kafa Linguistics Project

⁵ aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 16:5 ပူးပေါင်းရင်းမြစ်များ

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

2 Saameeli 5:9

Aroochee Daawiti bi beeyi xaaꞌoon are mishigechi katemooch tuniihe. Aroonoo Daawiti Katemoo iꞌi ceeggiye. Biyoo Miilee tiijjii bi guudoon xaqqoona shuunehe.

2 Saameeli 7:16

Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

2 Kiinoo 31:20

Hiziqiyaasi Yihudee showoo bulliich ebiyoommon tuniihe; bi Nuggishoo Doono Yeeri aafooch deꞌo, kaamoonaa gibeneetona tuneti mooyon tuniihe.

Shoddo 85:10

Shoodoonaa gibeneyoona danemminaꞌone; cadiqoonaa diggoona shumemminaꞌone.

Shoddo 89:14

Ne taatittino bi neexeto cadiqoonaa dayinnetoona toommoochiye; ne shuunoo bullin shoodoonaa gibeneyoona tuniihine.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Shaahiyoo 20:28

Shoodoonaa gibeneyoona taatoon quyeheete; bi taatee qeenoo shoodoona manjiye.

Shaahiyoo 29:14

Girechoyich kaachii nalliibeeti taatoo, bi taatee qeeno bulli yemeenoon manjiree beeyemmone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.