Isiyaasi 16:2 - Kafa Linguistics Project

² Moꞌabee maacheenaꞌo Arinooni aachi kimoochaa, boonoshi kexoochee yookkeꞌi cikkii okk hach yoobbiibeeti kafeenaꞌoommon tunemminaꞌone.

Isiyaasi 16:2 ပူးပေါင်းရင်းမြစ်များ

2 Taateenaꞌo 3:4

Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe.

Shaahiyoo 26:2

Yoobbii okk hach capheebeeti kafeenaꞌochoommon, naboo aalloon uppeebeeti ufo ashoon yeshaache.

Shaahiyoo 27:8

Bi kexon gawukkii hammiibeeti asho, bi kexon gawukkaꞌa yallyallimaabeeti kafeyoommone.

Isiyaasi 13:14

“Asho yookkiibeeti xiixxechoommon, qiddaalli bagoochoommon, asho bulli bi ashi asho waan wottemmone; asho bulliyoo bi showi showa wocemmone;

Erimiyaasi 48:20

Moꞌabi bi happeyoona yeelletone; woowo, geti cookibote; Moꞌabi tiisheto tunoon Arinooni aacoochaa yibbaatebote.

Erimiyaasi 48:46

Ne anaami bushiisheenaꞌonaa ne maache bushiisheenaꞌona kecaa boonoshi hammitoyich, Moꞌabo, neech woowo! Kemooshich goyinneebeeti asho aalletone.

Erimiyaasi 48:9

Biiti bi muriccemmoyich Moꞌabich qoshoon imbote; bi katemeenaꞌoo arooch koteto aalli shokkoon tunemminaꞌone” iye.

Haddoo 21:29

Moꞌabo, neech woowo! Kemooshich goyinneebeeti ashoocho, aalleto neene. Bi anaami bushiishoon aashooch, bi maache bushiishoon kecooch, Amooreenaꞌo taatoo Sihoonich beshii immitone.

Yibbaatoo 2:36

Arinooni bambee daarooch beeti Aroꞌeeri katemoonaa bambee daggooch beeti katemoonoochee tiijjiꞌi Gilaadee showooch beddaahaa beeti xaqqee uxerechi katemeenaꞌoochee noon mawito ciroona aalloone. No Nuggishoo Doono Yeeri bullin no kishooch beshiiꞌi immiye.

Yibbaatoo 3:12

Muusiyoo Israꞌeeleenaꞌoyich ishichiye: “Arooba ebi are Yoordaanoosi aacoochaa aabi-keyo waan beeti showoon no yechetoyee gubb, Arinooni bambee gaꞌooch, Aroꞌeeri katemoochaa dambi-waan beeti showoon, wotta geppechi Gilaadee showee qaton bi daggooch beeti katemeenaꞌona tookkaa Roobeelinaa Gaadinochi yoodeenaꞌoyich immehoye.

Yibbaatoo 3:8

“Ebina arooba Yoordaanoosi aachee beqach, Arinooni bamboochee tiijjiꞌi Hermooni guudooch beddaahaa beeti, Amooreenaꞌochi taateenaꞌo tuneti ebi gutte taateenaꞌo showoon yechehon.

Yaasi 13:16

Boonoshi showoo, Arinooni bambee gocooch beeti Aroꞌeeri katemoonaa bambee daggooch beeti katemoonoochee tiijjiꞌi beeti showoo tunemmona, Medeebi katemee guudooch beeti geppeexi naqqe showoo bulline.

Woraaferasheenaꞌo 11:18

“Aroochee Edoomee showoonaa Moꞌabee showoonon guuddiibee, barahoona hammiyeete. Moꞌabee showoochaa aabi-keyo waan shaggii, Arinooni aachee beqach besheꞌi, kaamboon geddii arooch koteheete. Moꞌabee showee daaro Arinooni aaco bi tunetoyich, Moꞌabee showooch giyaaneenaꞌone.