Isiyaasi 15:5 - Kafa Linguistics Project

⁵ Ta mullo Moꞌabich eeppiye; bi asheenaꞌo Tsoꞌarinaa Egilaat Shelishiyinooch beddaahaa goojjiyeete; eefeebee Luhiiti deshee damboon hammiyeete; boonoshi toommooch shaggiti aalloyich cookiibee Horonayim hammiyeete.

Isiyaasi 15:5 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 19:22

Kaateree arooch woci murice. Arooch ne shaggemmi wottoon, amoonolla hallaachemmo taane” iye. Looxi giisheche ii bi ceeggitoyich, ebi are katemeechi shigo, Tsoꞌari getteehe.

2 Saameeli 15:23

Asheenaꞌo beshee beetaa, are showee asho bulli eefehe. Taatoo Qedirooni aachi qaaꞌoon kimmiye. Asheenaꞌo bulliyoo kimmiꞌi, barahoo beeto waan hammiyeete.

2 Saameeli 15:30

Daawitiyoo eeppiibee, Zayitee Michi guudon kaama kechiye. Biyoo ayinito bi tunoon bekkiyoyich baade baatoon tuneꞌi, wotta tahoon bi qellooch ukeꞌi hammiye. Biin dabbii beetinaꞌo ebiyoommon wotta tahoon boonoshi qellooch ukeꞌi eeppiibee kaama kechiyeete.

Isiyaasi 16:14

Tunebaani and Doono Yeeri ishichiye: “Shuunooch giyiti asho shuunee aaboon bi haddoommon, Moꞌabich oogoonaa dofee bi ashoona haddeeti keejje nati daggooch giishemmone; giisheche ashoonaa hakka guutoona baach echemmone” iye.

Isiyaasi 22:5

Hini, Beshe Mawe Nuggishoo Doono Yeeri, Yaaꞌee Bamboochaa keqqoon, neecheyoonaa dulloonon bi deebiti aaboone. No katemee xaqqee uxeroo happeeyee aabo, guudo waan cookee aaboone.

Isiyaasi 59:7

Boonoshi baatoo gondooch wocciye; xalle damoon ukkoyich afaafineheete; boonoshi gaboo gonde gaboone; aalliyoonaa happoona boonoshi gommooch beetone.

Erimiyaasi 13:17

Tunebaani elloon ittoshi qayigaata, ittoshi geecoyich aashoona eeppemmo taane; Doono Yeerichi bageenaꞌo keccetoyich, ta aafoo caame eeppemmone; acimoonoo qapphillemmone.

Erimiyaasi 17:16

Qiddoo tuneꞌi neech maddoochee gubb ikaano taane; xuuxee yemeeno boonoshi toommooch woyemmoyich qaataano taane; ebin ne ariyaabeeto neene; ta noonoochee kechito ne aafooch arichetone.

Erimiyaasi 4:19

Ye ta xuuxo! Ye ta xuuxo! Biiyoona qaferehoye. Ye ta mullo! Ta mullo maacaa qicciye; shametee qaaroonaa, kokkoree qaaroonon ta waayetoyich cikkoon hakkaache.

Erimiyaasi 4:20

Naxee hillooch naxo dabbiye; showoo bulli tiishee aallehe; ta duukkaanoo diqqoona, ta maccillaatoo qillifee yexx bedaan beetaa, aalletone.

Erimiyaasi 48:3

Happeyeechi, billimii aalleechi cookee qaaroon Horonayimee waayebote.

Erimiyaasi 48:5

Deshee damba eefibee Luhiit kechemminaꞌone; shaggiti aalloyich cookibee Horonayimi dugilloon kindemminaꞌone.

Erimiyaasi 50:46

Baablooni yechee cookoochee tiyitona, showoo shuuremmone; bi cookoo aageteenaꞌo daggooch waayeyemmone” iye.

Erimiyaasi 9:10

Guudinaꞌoyich eeppemmo taane; baraheexi gaddeenaꞌoyichoo shooshemmo taane; aroona asho besheyaani shokkaachoo tunetinaꞌone; miinji qaadoo waayeyaanoone; cooxinaꞌonaa shimaajji kafeenaꞌona goojjii hammitinaꞌone.

Haddoo 21:29

Moꞌabo, neech woowo! Kemooshich goyinneebeeti ashoocho, aalleto neene. Bi anaami bushiishoon aashooch, bi maache bushiishoon kecooch, Amooreenaꞌo taatoo Sihoonich beshii immitone.