Isiyaasi 15:1 - Kafa Linguistics Project

¹ Moꞌabichon Doono Yeer waanee getteeti wocho ebine: Moꞌab beeti Ari katemoonaa Qiiri katemoona ikke xumoon aallemminaꞌone.

Isiyaasi 15:1 ပူးပေါင်းရင်းမြစ်များ

2 Taateenaꞌo 3:25

Boonoshi katemeenaꞌonoo happiyeete; gaawe boonoshi goyee budo bulliich bi keeshimmi wottoon, asho bi ikkikkoona ikkikke xaqqoon duppii beehe. Aachi xuupho bullin dookkiyeete; gaawe mixo bullin dichiyeete. Ciiroochaa Qiir Hareseti katemoo baach bi xaqqee uxeroona tookkii echehe. Tunebaani xeppello duppii beetinaꞌo giichiꞌi, ebi katemoonoo yexxiyeete.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 14:28

Taatoo Akaazi qititi natooba, getteeti wocho ebine:

Isiyaasi 16:11

Ebich ta mullo Moꞌabich, ta maacee meenoo Qiir Haresetich ooge ximboon yexxecho yexxiibee shooshoommon shooshee ayinii beetone.

Isiyaasi 16:6

Yihudee asheenaꞌo ishichemminaꞌone: “Moꞌabeenaꞌo am shaahe geecechinaꞌo gaata, boonoshi geecii cunnennoon, boonoshi coodonoo waayeto noone; boonoshi kokkoroo duuboone” gettemminaꞌone.

Isiyaasi 16:7

Ebich Moꞌabee asheenaꞌo eeppemminaꞌone; Moꞌabee asheenaꞌo bulliyoo eeppemminaꞌone; Qiir Hareseti katemeexi gaawe maayoon gabiichi oogichi ayini eeppemminaꞌone.

Isiyaasi 25:10

Doono Yeerichi kishoo hini guudi toommooch tunemmone; tunebaani Moꞌabee asheenaꞌo buyo dengooch gedaa koteyoommon koteyemminaꞌone.

Isiyaasi 25:12

Moꞌabichi mishigeenaꞌon genje bi uxeroona tookki happemmone; tiishiree buttoon tuniyemmone.

Erimiyaasi 9:26

Gibitseenaꞌo, Yihudee asheenaꞌo, Edoomeenaꞌo, Amooneenaꞌo, Moꞌabeenaꞌonaa boonoshi qelloon qebbii beeti, barahooch kotetinaꞌo bullina, ebi aageteenaꞌo bulli ta qaawitoommon dokireyaaneenaꞌone; ebiyoommon wotta Israꞌeelee kechi asheenaꞌo bullichi mulloo dokireyaanoone” iye.

Haddoo 21:28

Qaaqqoo Heshibonee kechiye; qaaqqee aaxxo Sihooni katemoochee waahe; Moꞌabi beeti Ari katemoon aalliihe, Arinooni beeti qaalle xaaꞌeenaꞌon maahe.

Yibbaatoo 2:18

‘Hanaach Moꞌabee showoon Ari katemee gaꞌoona kuxi beshemmo ittoshine.

Yibbaatoo 2:19

Boonoshi hajjoo tuniiꞌa boonoshich ta immeti showoochee amoonolla ittoshich imaachemmo ta tunetoyich, Looxichi shiijjereenaꞌo tuneti Amooneenaꞌo showee daarooch ittoshi shagigaata, boonoshi toommooch mooyon qaawiree, ittoshina tookki boonoshi koyemmoyich tuniyaahote’ itone” iye.

Yibbaatoo 2:9

“Doono Yeeriyoo taach: ‘Ari katemoon Looxichi shiijjereenaꞌoyich boonoshi hajjoo tuniyaꞌa ta immetoyich, boonoshi showoochee ciroona ittoshich imaachemmo taane. Ebich Moꞌabee asheenaꞌo toommooch mooyon qaawiree, ittoshina tookki boonoshi koyemmoyich tuniyaahote’ itone” iye.