Isiyaasi 14:29 - Kafa Linguistics Project

²⁹ “Filsixeemeenaꞌote, ittoshin yexxiti gumbo tiishetoyich ittoshi bulli emiriyaahote; dingeree xepphoochee xekeree kechemmine; bi gabexoochee awureebeeti dingero qoppeyemmone.

Isiyaasi 14:29 ပူးပေါင်းရင်းမြစ်များ

2 Taateenaꞌo 18:8

Qiddeenaꞌochi dilaaloochee tiijjiꞌi, xaqqee uxerechi ooge katemooch beddaahaa, katemeenaꞌo bulliich, Gaazinaa bi guudoonooch beddaahaanoo hammiꞌi, Filsixeemeenaꞌon kochii wochiye.

2 Kiinoo 26:6

Uziyaahi hammiꞌi, Filsixeemeenaꞌona koyehe. Gaati uxeroon, Yabineehi uxeroonaa Ashidoodi uxeroonon happiye. Ashidoodi gaꞌooch beeti showoonaa Filsixeemee showoonoochoo katemeenaꞌon shuunehe.

2 Kiinoo 28:18

Filsixeemeenaꞌo wotta Shefeeli worebe showoonaa Negeebi barahoonooch beeti Yihudee showoon kochiyeete; Beet Shemeeshi, Ayalooninaa Gederootina getteebeeti katemeenaꞌon, wotta Sokoohinaa bi guudoona beeti gafeenaꞌonon, Timinaahinaa bi guudoona beeti gafeenaꞌonon, Gimizinaa bi guudoona beeti gafeenaꞌonon kochii yechiꞌi arooch koteheete.

Shaahiyoo 24:17

Ne etto dihoona emiriyaahine; bi tepheyoonoo ne mullo oogichi emiraaye.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 11:8

Nallefoo dingeree oppee toommoochaa kaachemmone; xachi kuxoo xekeree oppooch bi kishoon geddemmone.

Isiyaasi 14:31

Kelleenaꞌoochaa woowo getote! Katemeenaꞌoochaa cookibote! Filsixeemeenaꞌote, ittoshi bulli shatona muuyote! Dambi-waanee cufoo ittoshi toommooch cufitone; bi ginee naayoochee gubb echeebeeto ikkolla aalloone.

Isiyaasi 2:6

Yaaqobi yareenaꞌo tuneti ne asheenaꞌon qajjeto neene; ebiyoo showoo aabi-keyo waani asheenaꞌochi qaaxoona, Filsixeemeenaꞌochi iicoonoo bi ceennitoyichiye; asheenaꞌoo dallaaweenaꞌona tookkii guuphitinaꞌone.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Erimiyaasi 47:1

Farooni Gaazin kochii yeshaan bi beetaa, Filsixeemeenaꞌochon Doono Yeeri Erimiyaasich gettiti qaaro:

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Hiziqeeli 25:15

“Nuggishoo Doono Yeeri ishichiye: ‘Filsixeemeenaꞌo mullooch mooyon yeshona Yihudee macceenaꞌochi toommooch nichoon boonoshi gaaccitoyich, bulli aaboon ettoon tuneꞌi aalliyoyich boonoshi qaawitoyich,

Hiziqeeli 26:2

“Ashi bushoocho, Xiroosi Yerusaalemi toommooch ishichitine: ‘Usha, macceenaꞌo giyiibeeti kellee tiishetane; bi gifeenaꞌoo wogallimiꞌi taach qecheetinaꞌone; bi tiishetoyich ta oogemmi taane’ itine.

Hiziqeeli 35:15

Israꞌeelee macceenaꞌochi iristo shokko echetaa ne emiritoyich tawoo ebiyoommon ne toommooch tuniyemmo taane. Seyiri guudoocho, neennaa Edoomina bulla shokkoon echemmo ittoshine; ebina boonoshiyoo Doono Yeeri ta tunoon ariyemminaꞌone’ itone gete” iye.

Hosee'i 9:1

Israꞌeeleenaꞌote, ittoshi Nuggishoyich gibeneeto tuno ittoshi qajjitoyich, emiriyaahote; bare aageteenaꞌochoommon oogichi emiriyaahote! Maayi buchi xaaꞌoo bulliichaa yahechich qocheebeeti gatiyoon shunnito ittoshine.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Amootsi 1:6

Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye.

Amootsi 1:8

Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Abidiyi 1:12

Gonde mooyo ne maneenaꞌo toommooch shagiyooba, diiga bedaano neene; boonoshi aallee aabooba, Yihudee asheenaꞌo toommooch emira bedaano neene; boonoshi duꞌee aabooba geeca bedaano neene.

Mikiyaasi 7:8

Ta ettoocho, taanna emiriyaahine! Ta dihitaanona tiyemmo taane; manderooch ta kotetaanona Doono Yeeri taach bekkoon bekkiyemmone.

Sofoniyaasi 2:4

Gaazi duppeyemmone. Ashiqelooni ashaalli xafo tunemmone. Ashidoodee asheenaꞌo aabe tukkehaa yoohaa aallemminaꞌone. Eqirooni waaxe aallemmone.

Sofoniyaasi 2:5

Baharee gashooch koteti Kereetee asheenaꞌote, ittoshich woowo! Filsixeemeenaꞌo showoo tuneti Kanaanee showooch beetinaꞌote, Doono Yeeri ittoshi toommooch nallitone; koninolla echiyaanoon ittoshin aalliyemmone.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Zakaariyaasi 9:5

Ashiqelooni asheenaꞌo ebin beegiree shattemminaꞌone. Gaazi asheenaꞌo ebin beegiree gaashillemminaꞌone. Eqirooni asheenaꞌoo ebiyoommon tuneree, boonoshi gibenoon kuxxemminaꞌone. Gaazi bi taatoon muccemmone. Ashiqelooniyoo ashaalli shokkoon tunemmone.

Haddoo 21:8

Doono Yeeriyoo Muusich ishichiye: “Dingeroon gooshoochee shuuneree mixooch yoode. Qoppeto bulli aroon bi ciinigaata wodemmone” iye.

Yaasi 13:3

Aweenaꞌo showoonane. Gibitsaa aabi-keyo waan beeti Shihoori aacoochee tiijjiꞌi, dambi-waan beeti Eqirooni katemee daarooch beddaahaa beeti showoo bulli Kanaaneenaꞌo showoo tuniitaa haddeetone. Gaazi, Ashidoodi, Ashiqelooni, Gaatinaa Eqirooninooch beechii hajjiti uuche Filsixeemee taateenaꞌo beetinaꞌone.