Isiyaasi 14:27 - Kafa Linguistics Project

²⁷ Beshe Mawe Doono Yeeri ishichii gabitone; konine bajjemmo? Bi mochoonoo tiijjitone; konine wochemmo?

Isiyaasi 14:27 ပူးပေါင်းရင်းမြစ်များ

2 Kiinoo 20:6

ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.

Iyoobi 11:10

“Yeeri waa neen cuchiꞌi, nallee gabberooch bi giddiigaata, biin bajjemmo konine?

Iyoobi 23:13

“Tuniiya bi qaawiton tuniihe; bi gaboon shaddiyemmo koniyoona aalloone.

Iyoobi 40:8

“Halla ne, ta dayinnetoon qallayinne? Ne qelloon xalliyachaa taan gondiinne?

Iyoobi 42:2

“Bulli mooyon tuniyoon hakkaabeeto ne tunoon, ariito taane. Ne gabiton ne tuniyaachemmoyich bayo hakkeyaache.

Iyoobi 9:12

Bi qaawiton bogi bi daamaa, bayon hakkemmo konine? ‘Ebi amooniye ne tuniyaabeeto?’ gettemmo konine?

Shoddo 33:11

Doono Yeerichi yamo bulli yemeenooch manjemmone; bi mullee gaboo shiijjeroochee shiijjerooch beddaahaane.

Shaahiyoo 19:21

Ashi mullooch beeto meeti gaboone; tunebaani ceennemmo Doono Yeeri gettitone.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Isiyaasi 46:11

Aabi-keyo waanee yechiibeeti booyoommon, wohi showoochee ta daaggoon ceechemmi ashoon, ceeggemmo taane; getteto taane; ceechemmo taane; gabito taane; tuniyemmo taane.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 4:28

Ebich showoo eeppemmone; shimaayoo bi toommooch manderemmone. Getteto taane; ta gaboon shaddaachemmo taane; maacceto taane; kisheyaachemmo taane” iye.

Erimiyaasi 44:28

Goraadoochee muriciree Yihudee showooch wottemminaꞌo giishecheenaꞌone; arooch kotoyich Gibits giyiti Yihudee cureenaꞌo ta qaaroonaa boonoshi qaaroonoochee konicho ceennemmo gaata ariyemminaꞌone.

Erimiyaasi 49:20

Ebich Doono Yeeri ta, Edoomi toommooch tuniiya ta itonaa Temaani katemooch beetinaꞌo toommooch ta gabiti gaboonon waayebote: Gijjeenaꞌoochee bagee gaggereenaꞌolla geecheyemminaꞌone; boonoshi dogo shokkoon echemmone.

Erimiyaasi 51:59

Sedeqiyaasi taateti awuddinnee natooch, Mahisiyi bushoochi bushoo, Neraayichi bushoo, taatoochi katini naayo Seraayi, Yihudee taatoo Sedeqiyaasina tookkii Baabloonee showooch bi hamiyooba keemechi Erimiyaasi Seriyaahina wochoon daachiihe.

Hiziqeeli 26:14

Shokkaache xaqqoon neen tuniyemmo taane; haashe yesheenaꞌo boonoshi dabboon ichiibeeti xaaꞌoon tunemmi neene; ebiyee bekk wochinnoon shuuneyaachemmi neene; ebiyoo Doono Yeeri ta gettetoyichiye’ iye Nuggishoo Doono Yeeri.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?