Isiyaasi 14:2 - Kafa Linguistics Project

² Meeti aageteenaꞌo Israꞌeeleenaꞌon boonoshi showooch deeni daammemminaꞌone; Israꞌeelee yareenaꞌo aageteenaꞌon Doono Yeerichi showoochaa guunonaa gonneenon tuniiree hajjemminaꞌone; boonoshin keccitinaꞌon keccemminaꞌone; neexxii hajjitinaꞌon hajjemminaꞌone.

Isiyaasi 14:2 ပူးပေါင်းရင်းမြစ်များ

Iziri 2:65

ebiyoo shabaatte humaa keejje ballaa shaashaa shabaatte gonneenaꞌonaa guuninaꞌonon daakkaanooniye. Wotta shoddechi gutte balle anaaminaꞌonaa maacheenaꞌona boonoshich beetinaꞌone.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Isiyaasi 18:7

Arooba Beshe Mawe Doono Yeerich, neexi genjeenaꞌonaa naalle qeddechinaꞌona tuneti, woheexonaa katineexona shattiibeeti, hakkechinaꞌonaa giidechinaꞌona tuneti, boonoshi showoo aacona qoodeeti, aageteenaꞌo waanee wojjoo woyemmone; boonoshiyoo Beshe Mawe Doono Yeerich goyinneebeeti Tsiyooni guudooch deebemminaꞌone.

Isiyaasi 31:8

Asooreenaꞌo ashicho tuneyaani goraadoona dihemminaꞌone; ashicho tuneyaani goraado boonoshin maayemmone; goraadee aafoochee woccemminaꞌone; boonoshi gurimaasheenaꞌo guunon tuneree maddemminaꞌone.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 49:22

Nuggishoo Doono Yeeri ishichiye: “Aageteenaꞌon kappemmo taane; asheenaꞌo waanoo ta malletoon wochemmo taane; ittoshi anaami bushiisheenaꞌon boonoshi shoopphooch tiqqe, ittoshi maache bushiisheenaꞌon boonoshi gogooch shaagi, deebemminaꞌone.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:25

Doono Yeeri ishichiye: “Neenna koyee beetinaꞌona koyemmo, ne bushiisheenaꞌonoo wodiyemmo ta tunetoyich, bokketi qiico giidecho kishoochee deqqeyemmone; keccetinaꞌoo, maacmanjoo kishoochee dichaa wottemminaꞌone.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 61:5

Dallaaweenaꞌo neexeree ittoshi bageenaꞌon qiddemminaꞌone; shiqqeenaꞌo ittoshich gochechinaꞌonaa woyinee quyechinaꞌona tunemminaꞌone.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Erimiyaasi 30:16

“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Daaneeli 7:18

Boonoshiyee gubb Beshoo Yeerichi yaafeenaꞌo ebi taatittinoon deqqemminaꞌone; ebi taatittinoon bulli yemeenoochee bulli yemeenooch beddaahaa yechemminaꞌone” iye.

Yoꞌeeli 3:8

Ittoshi anaami bushiishoonaa maache bushiishoona Yihudee asheenaꞌoyich beshiitaa boonoshi kechemmoyich tuniyemmo taane. Boonoshiyoo wohooch beeti Sheebee asheenaꞌoyich kemmemminaꞌone. Ebin getteto Doono Yeeri taane.

Leweenaꞌo 25:44

“ ‘Guunonaa gonneenna ittoshich bi qaawiigaata, ittoshi guudoona beeti aageteenaꞌo daggoochee kemoon hakkiyote.

Abidiyi 1:17

“Tunebaani Tsiyooni guudi toommooch, aalloochee muriccitinaꞌo danemminaꞌone; ebi xaaꞌoo yaafe xaaꞌoo tunemmone; boonoshi hajjoo tuneti showoon Yaaqobichi asheenaꞌo wochinnoon woraashemminaꞌone.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Zakaariyaasi 2:9

“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Luqaasi 12:45

Tunetaa are wochee bushoo ‘Ta doono kaate waataachemmone; yagemmone’ ii bi mulloona gabiꞌi, bi doonoyich maddeebeeti anaaminaꞌonaa maacheenaꞌonon yexooch, mamonaa uyonooch, mashoochoo bi giyigaata,

Roomi 15:27

Ebin boonoshi qelloona degga shunnitinaꞌone; wotta ebiyoo tunibede mooyone. Ayihudeenaꞌo boonoshich icheti Yaafe Ayaanee wojjoochee Aageteenaꞌoyich qooditinaꞌone; ebich meenoyich qaawiibeeti mooyona wotta Ayihudeenaꞌon gaacho boonoshich qaawiihe.

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Efesooni 4:8

Ebich Yaafe Macaafoochaa, “Damba bi keyiyooba kecceti dofeenaꞌon yechiꞌi daammiye; asheenaꞌoyichoo wojjoon immiye” iye.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.