Isiyaasi 14:1 - Kafa Linguistics Project

¹ Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 14:1 ပူးပေါင်းရင်းမြစ်များ

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Shoddo 102:13

Hini, Tsiyooni gaawe aafoona ciichemmi yemeenoone; maacheti aabo shaggitone; tiyiree Tsiyoonich ariqqebe.

Shoddo 102:14

Ebiyoo bi xaqqeenaꞌo ne guuninaꞌona shuchetinaꞌo, bi butteenaꞌoo boonoshich aaxxeenaꞌo, boonoshi tunetoyichiye.

Shoddo 143:12

Taach shoodecho ne tunetoyich, ta etteenaꞌon aalliibe; ne guuno ta tunetoyich ta etteenaꞌon aalliibe.

Shoddo 98:3

Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

Isiyaasi 19:18

Arooba Gibitsee showooch beeti uuche katemeenaꞌo Kanaanee noonoona yibbaatemminaꞌone; Beshe Mawe Doono Yeerichon tunoyich wogoon giyemminaꞌone; ebi katemeenaꞌoochee ikkoo Aabee Katemoo getaa ceekkemmone.

Isiyaasi 21:1

Baharee gashooch beeti baraheechon Doono Yeer waanee getteeti wocho ebine: Negeebi barahoochee tiyiibeeti yuboochoommon, barahoochee, shattiibeeti showoochee aallo woyemmone.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 41:9

showee tuggoochee neen deeboye; wohi showee kelloochee neen ceeggoye. Neen, ‘Ta guuno neene’ iyoye; neen kaaccoani dufaano taane.

Isiyaasi 44:1

Doono Yeeri ishichiye: “Ta guuno Yaaqobo, ta kaacceti Israꞌeelo, eke waayebe.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 49:15

“Indee bi xaachaa beeti bushoon battoon hakkehane? Bi shiyeti bushoyich maaxeyaachehane? Diqqich battoon hakkiyane; tunebaani ta, ittoshin batteyaache.

Isiyaasi 49:25

Doono Yeeri ishichiye: “Neenna koyee beetinaꞌona koyemmo, ne bushiisheenaꞌonoo wodiyemmo ta tunetoyich, bokketi qiico giidecho kishoochee deqqeyemmone; keccetinaꞌoo, maacmanjoo kishoochee dichaa wottemminaꞌone.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 56:3

“Doono Yeeri ta waan katinniti dallaawoo ‘Doono Yeeri bi ashoyee taan bariyemmone’ gettaaye; guruushoo ‘Ta shuuꞌi mixo taane’ gettaaye” iye.

Isiyaasi 60:10

“Dallaaweenaꞌo ne uxeroon wochi uxeremminaꞌone; boonoshi taateenaꞌo neech maddemminaꞌone. Ta kaaroona neen yexxeto taane; tunebaani and neech ariqqemmo taane.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 16:15

Tunebaani ‘Israꞌeeleenaꞌon dambi-waaninaa bi yookkiti showoo bullinoochee wochii deebiti beeyechi Doono Yeeri beege’ getteyemmone; tawoo boonoshi qaabbechinaꞌoyich ta immeti boonoshi showooch boonoshin wochemmo taane” iye.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 30:8

“Ebiyooba, iye Beshe Mawe Doono Yeeri, boonoshi qetteexi waanjoon tiichemmo taane; boonoshi cuyoon kuxxemmo taane; ebiyee bekk dallaawoo boonoshin hajjaachemmone.

Erimiyaasi 31:4

Gidiideyoommi Israꞌeele, neen wochi haggemmo taane; newoo wotte hakkemmi neene; ne kamboon yeshiree shoddechinaꞌona tookki emiroona duuttemmi neene.

Erimiyaasi 50:33

Beshe Mawe Doono Yeeri ishichiye: “Israꞌeelee asheenaꞌonaa Yihudee asheenaꞌona ikkittinoona neexaa hajjeetinaꞌone; boonoshin keccitinaꞌo bulli kupphii boonoshin yechitinaꞌone; boonoshin gawukkemmon qajjitinaꞌone.

Erimiyaasi 51:51

Naagoon no waayetoyich cooneeto noone; dallaawe asheenaꞌo Doono Yeerichi yaafee kechi yaafe xaaꞌooch boonoshi giyitoyich, yeello no aafoon qeritone.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 47:22

Ittoshinaa ittoshi daggooch koteti, ittoshi daggoochaa bushoon shiyiti ashi showee asheenaꞌona iristoon tuniiree showoon ixoona qoodeyemmo ittoshine; boonoshiyoo showechinaꞌon, Israꞌeelee macceenaꞌonoo tuniitaa ciichebeete; Israꞌeelee yoodeenaꞌochi daggooch ittoshina tookki iristoon qoodeebeete.

Zakaariyaasi 1:17

“Wotta daakki ishichi awaajjibe: Beshe Mawe Doono Yeeri ishichiye: ‘Ta katemeenaꞌo wochinnoon gaannoon michemminaꞌone. Doono Yeeri ta wochinnoon Tsiyoonin goggiyemmo taane; Yerusaaleminoo kaaccemmo taane’ itone gete” iye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Luqaasi 1:54

Wonna no qaabbechinaꞌoyich bi gettitoommon, ‘Abrahaminaa bi yareenaꞌonoyich bulli yemeenooch ariqqemmo taane’ ii Yeeri bi gibenikkiti gibenoon gabiꞌi biich maddeebeeti Israꞌeelee yaroo noon gaachetone” iyan.