Isiyaasi 13:9 - Kafa Linguistics Project

⁹ Showoon shokko echiyoyich, axaaxechinaꞌon bi daggoochee aalliyoyich, maacmanjoon tuneꞌi, naxoona, kupphe kaaroona ceenniꞌi ebiyoche Doono Yeerichi aabo waa beetone.

Isiyaasi 13:9 ပူးပေါင်းရင်းမြစ်များ

Shoddo 104:35

Axaaxechinaꞌo showoochee aallebeete; gondeenaꞌo ebiyee bekk beeyaayeete. Ta kasheene, Doono Yeerin diiribe. Haleluya!

Shaahiyoo 2:22

Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 34:8

Doono Yeeri, Tsiyooni toommooch bi tuniitoommon tuniiree, Edoomi toommooch nichoon bi gaaccemmi aabo beetone.

Isiyaasi 63:4

Nichoo kichee aaboon maacceto taane; ta biishemmi aabo shaggitone.

Isiyaasi 66:17

Doono Yeeri ishichiye: “Boonoshi daggoochee ikkoon dabbii bechee michi xaaꞌooch hamoyich, boonoshi qelloon barii, yaafii beetinaꞌo, gudichi meenon, tiyaariibeeti mooyonaa iiccoonon maa beetinaꞌo ikkittinoona aallemminaꞌone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Hiziqeeli 13:5

Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Naahoomi 1:8

Guubbiibeeti ambamboochoommon, bi etteenaꞌon ciroona aalliyemmone; bi etteenaꞌon maash daachiyemmone.

Sofoniyaasi 1:15

Ebi aabo, kaaree aabo, iritee aaboonaa duꞌee aaboona, aallaa billimee aabo, shitirippimii mandereti aabo, quboonaa dunne manderoona tuneti aaboo tunemmone.

Zakaariyaasi 14:1

Doono Yeerichi nallee aabo waa beetone. Boggechinaꞌo ittoshi waanee boonoshi boggiton ittoshi ciini beetaa qoodeyemminaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.