Isiyaasi 13:8 - Kafa Linguistics Project

⁸ Keqqemminaꞌone; maaxoo manjeti ureechoommon shoodde qaakkemminaꞌone; boonoshinaa boonoshina keqqoona ciineyemminaꞌone; yeelloona boonoshi baroo qaaqqoon shaahemmone.

Isiyaasi 13:8 ပူးပေါင်းရင်းမြစ်များ

2 Taateenaꞌo 19:26

Are showee asheenaꞌochi mochoo nirehe; gibenoon kuxxii yeelleheete; aabo keyigaata bekkech shoolliibeeti, gaddeexi mocoommon, mocee nolloommon, kechi toommooch colleti mocoommon, tuneheete.

Shoddo 48:7

Aabi-keyo waanee yongoona Tarisheshi markabo tiishoommon, boonoshin tiichehine.

Isiyaasi 26:17

Doono Yeero, yeqqefechi shiy beddaꞌa, maaxoo manjaa bi cookoommon, nowoo ne aafooch ebiyoommon tuneto noone.

Erimiyaasi 13:21

Ne xibeenaꞌo boonoshi tunemmoyich xephona ne yechetinaꞌo guuddii wotteꞌi neen boonoshi hajjigaata, ama getishiye ne gettemmo? Shiyemmi maachechoommon maaxoo neen maataachehe?

Erimiyaasi 30:6

Echebote; ciinishoo getote; anaamo bushoon shimon hakkehe? Shiyemmi maachechoommon anaamo bulli bi shimetoon kishoona yechiton ta beeggaabeeto amoyichiye? Ashi aafo amoyich tullehe?

Erimiyaasi 4:31

Maaxoo manjeti, batti batti bushoon shiya maaceraabeeti maachechi qaaroommi qaaroon waayehoye; ebiyoo Tsiyooni kashee guuteyee qaaroone; bi kishoon yaggiichaa “Taach woowo! Ashoon wuxii beetinaꞌo aafooch mullo baalleeti taane” ii beetine.

Erimiyaasi 46:5

Shattii gubb wottee beetinaꞌone; boonoshi ginee naayinaꞌoo koyaa dihii beetinaꞌone; gubb cuqeyaanoon afaafinoona xuupphii beetinaꞌone. Hiniichoo, okk ebiichoo, keqqoo beetone. Ebin ta beeggaabeeto amoyichiye? iye Doono Yeeri.

Erimiyaasi 48:41

Katemeenaꞌonaa mishigeenaꞌona yecheyemminaꞌone; Moꞌabi ginee naayinaꞌo mullo, maaxoo manjeti maachechi mulloochoommon shattemmone.

Erimiyaasi 49:22

Ebiyoche booyochoommon keyi biittemmone; bi qoshoonoo Botsiri toommooch yaggemmone; Edoomi ginee naayinaꞌo mulloo ebiyooba maaxoo manjeti maachechi mulloochoommon shattemmone” iye.

Erimiyaasi 49:24

Damaasiqee katemoo niretone; wocoyichoo gubb wottetone; qewo biin yechitone; maaxoo manjeti maachechoommon xuuxoonaa maaxoona biin yechitone.

Erimiyaasi 50:43

Baabloonee taatoo boonoshi woroon waayetone; bi mochoo niretone; maaxoo maacheen mamoommon xuuxo biin yechitone.

Erimiyaasi 51:30

Baabloonee ginee naayinaꞌo koyoon qajjitinaꞌone; boonoshi mishigooch kotetinaꞌone; boonoshi hakkoo niretone; maacheen shaahitinaꞌone; bi kexinaꞌonoo qaaqqoo maatone. Bi tuggeenaꞌo kuxetinaꞌone.

Hiziqeeli 20:47

Deshi-waan, Negeeb beeti kubboyich, ‘Doono Yeerichi qaaroon waayebote; Nuggishoo Doono Yeeri ishichiye: Ebiyoche ne daggooch qaaqqoon geddemmo taane; ne daggooch beeti waajjechonaa shuuꞌona tuneti mixo bullin maayemmone; ebi qaaqqee aaxxo tahaachemmone; deshi-waanee tiijji dambi-waan beddaahaa beeti ashi aafoon michemmone.

Hosee'i 13:13

Maaxoo manjeti ureechoommon xuuxo biich woyemmone. Tunebaani bi, ariyoo biich aalli bushoone. Bi shiijjemmi aabo shagiyooba bi indee maacoochee keyon qaawaani bushoommone.

Yoꞌeeli 2:6

Boonoshi aafoochaa asheenaꞌo qewemminaꞌone; asho bullichi aafo shaddeyemmone.

Naahoomi 2:10

Nanawi katemoo duppetoche; duubetoche; aalletoche! Mullo muujjitone; tingoo qewetone; giidoo qajjitone; halloo shaddeetone.

Yowannisi 16:21

Shiyemmi ure maaxoo biin maammona maacerahane; tunebaani bushoon bi shiyetoyee gubb, bushoo hini alemooch bi shiijjetoyich emiraꞌa, aafi bi xuuxoon battahan.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.