Isiyaasi 13:20 - Kafa Linguistics Project

²⁰ Shiijjeroochee shiijjerooch beddaahaa arooch kotemmo ciroona beetaachemmone; Araboo bi duukkaanoon arooch xogaachemmone; qiddeenaꞌo arooch boonoshi bageenaꞌon quyeyaachemminaꞌone.

Isiyaasi 13:20 ပူးပေါင်းရင်းမြစ်များ

2 Kiinoo 17:11

Filsixeemeenaꞌoochee ikkikkeenaꞌo boonoshi wojjoon deebii beeheete; xure birewee gibiroonoo qoccii beeheete. Arabee asheenaꞌoo shabaatte humaa shabaatte balle bagee baaddoonaa shabaatte humaa shabaatte balle emmishee baaddoonon deebiyeete.

Iyoobi 3:7

Ebi are xumooba wochinnoon bare bushoo xifeyaaye; arooba ililee qaaro waayeyaaye.

Solomooni 1:7

Ta shunnaabeetocho, eke taach gete: Ne bageenaꞌon ne quyaabeeto aabiichiye? Aabee qellayooch ne kashiyaabeeto aabiichiye? Bi aafoon kaappeti ureechoommon, ne nuucheenaꞌochi bagee hillooch ta, yallyallimi beeyemmo amoyichiye?

Isiyaasi 14:23

“Baabloonin caayo beeyi xaaꞌoon, aachi taappoon tuniyemmo taane; hidii aalliibeeti kawoona hidi aalliyemmo taane” iye Beshe Mawe Doono Yeeri.

Isiyaasi 21:1

Baharee gashooch beeti baraheechon Doono Yeer waanee getteeti wocho ebine: Negeebi barahoochee tiyiibeeti yuboochoommon, barahoochee, shattiibeeti showoochee aallo woyemmone.

Isiyaasi 25:2

Katemoon xaqqee gutoon tuniito neene; mishigechi katemoo happee aallemmoyich tuniito neene; no etteenaꞌochi taatee kexo ebiyee bekk beetaachemmone; ciroona wochinnoon shuuneyaachemmone.

Isiyaasi 34:17

Bi boonoshich ixoon duppiye; bi kishoonoo woderoona boonoshich qoodiye; boonoshi bulli yemeenooch hajjemminaꞌone; shiijjeroochee shiijjerooch beddaahaa arooch kotemminaꞌone.

Erimiyaasi 49:33

“Hatsoori boqqelleenaꞌo beeyi xaaꞌoon tunemmone; bulli aabooch shokkoon echemmone; asho arooch beetaachemmone; asho arooch koteyaachemmone” iye.

Erimiyaasi 50:13

Doono Yeeri kaaroochee tiyitona shokkoonalli bi echemmo asho arooch koteyaachemmone; Baabloonee showoona beshemmo bulli bi mayee naboona wuche gettemmone; cooqqiremmone.

Erimiyaasi 50:21

“Damba Maritaayimi showoonaa Feqoodinooch beetinaꞌo waan keyote; boonoshin wuxibote; ciroona aalliibote” iye Doono Yeeri. “Ittoshich ta getteto bullin tuniibote.

Erimiyaasi 50:3

Dambi-waanee asho biin kocha waatone; biinoo shokkoon echiyemmone; arooch koniyoona koteyaachemmone; ashoonaa gijjoona woci aallemmone” iye.

Erimiyaasi 50:39

“Ebich kubbi cooxinaꞌo, qaccemmeenaꞌona tookki Baabloon kotemminaꞌone; maannaakkeenaꞌoo arooch kotemminaꞌone; bulli aabooch asho arooch beetaachemmone; shiijjeroo bulli arooch koteyaachemmone.

Erimiyaasi 50:45

Ebich Doono Yeeri ta, Baablooni toommooch tuniiya ta itonaa Kalideenaꞌo showee toommooch ta gabiti gaboonon waayebote: Boonoshi gijjeenaꞌoochee bagee gaggereenaꞌolla geecheyemminaꞌone; boonoshi naboona boonoshi dogo shokkoon echemmone.

Erimiyaasi 51:25

“Showoo bullin aalliibeeti guudoocho! Ta ne toommooch tiyeto taane” iye Doono Yeeri. “Ne toommooch ta mochoon tiijjemmo taane; xaqqee guudinaꞌo toommoochee neen gederikkemmo taane; micciti guudon neen tuniyemmo taane.

Erimiyaasi 51:29

Baabloonin koniyoona koteyaachemmi shokkoon tuniyoyich, Doono Yeeri gabito Baablooni toommooch ceennemmo bi tunetoyich, showoo shuuri qewemmone.

Erimiyaasi 51:37

Baablooni xaqqee gutoo boqqelleenaꞌo kuufaaree xaaꞌoon tunemmone; ciigeyemmone; wuche, getteyemmone; arooch kotemmo daneyaachemmone.

Erimiyaasi 51:43

Bi katemeenaꞌoo wuche getteetinaꞌo, shuuꞌi showoonaa barahoona, asho arooch koteyaano, wottoo aroona koniyoona besheyaani showoon tunemmone.