Isiyaasi 13:16 - Kafa Linguistics Project

¹⁶ Boonoshi ciini beetaa, boonoshi nallefeenaꞌo ceqqetaa qitemminaꞌone; boonoshi kexinaꞌo bosheyemminaꞌone; boonoshi mecheenaꞌoo qeyeyemminaꞌone.

Isiyaasi 13:16 ပူးပေါင်းရင်းမြစ်များ

Isiyaasi 13:18

Boonoshi maꞌeenaꞌo gurimaasheenaꞌon wuxemminaꞌone; nallefeenaꞌonoo maaraachemminaꞌone; bushiishoyichoo ariqqaalli aafechinaꞌone.

Isiyaasi 14:21

Boonoshi qaabbechinaꞌochi gondoyich, bi anaami bushiisheenaꞌo guureyemmi xaaꞌoon qanniibote. Ebiyoo tiyi showoon woraashiree, meeti katemoon boonoshi shuuneyaachemmoyichiye” gettemmo neene.

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Erimiyaasi 51:22

neenna anaamonaa maacheenon tiichoye; neenna geenoonaa bushoonon tiichoye; neenna gurimaashoonaa gidiideenon tiichoye;

Shoosho 5:11

Maacheenaꞌo Tsiyoonaa, gidiideenaꞌoo Yihudee katemeenaꞌoochaa, giidoona yeshaa mecheheete.

Hosee'i 10:14

Ebich koyo ittoshi showooch woyemmone. Ittoshi mishigeenaꞌoo happeyemminaꞌone. Shalimaani, Beet Aribeeli katemoon kochiꞌi bi happiyooba, indeenaꞌonoo boonoshi bushiisheenaꞌona tookkii ceqqee bi wuxiyooba tunetoommo tunemmone.

Naahoomi 3:10

Tunebaani Tebeesee asheenaꞌo kecaa hammiyeete; boonoshi showoochee kechiyeete; gommi addibaaboochaa, boonoshi gaggereenaꞌo ceqqetaa qitiyeete; aricheti boonoshi asheenaꞌo qoqqaannoona cucheheete; woraafa getteeti boonoshi asheenaꞌon ixoona qoodeeheete.

Zakaariyaasi 14:2

Doono Yeeri, Yerusaalemin boonoshi kochemmoyich, aageteenaꞌo bullin kicemmone. Katemoo yecheyemmone; kexinaꞌoo bosheyemminaꞌone; maacheenaꞌo giidoona yeshaa mecheyemminaꞌone. Katemee ashoochee qato kecaa hammemmone. Tunebaani aroochee echemmi asheenaꞌo katemoochee ciroona aalleyaachemminaꞌone.