Isiyaasi 13:13 - Kafa Linguistics Project

¹³ Ebich Beshe Mawe Doono Yeeri ta kaaro aaxxehooba shimaayeenaꞌon qewiyemmo taane; showeenoo bi xaaꞌoochee shuurikkemmo taane.

Isiyaasi 13:13 ပူးပေါင်းရင်းမြစ်များ

Iyoobi 9:6

Showoon bi kote xaaꞌoochaa shuurikkii beetone; showee tuugeenaꞌonoo qewii beetone.

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 88:16

Kupphe ne kaaro ta toommooch kindiye; ne keqqichoo taan aalliihe.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 21:1

Baharee gashooch beeti baraheechon Doono Yeer waanee getteeti wocho ebine: Negeebi barahoochee tiyiibeeti yuboochoommon, barahoochee, shattiibeeti showoochee aallo woyemmone.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 24:18

Hukkee qaaroochee tiyitona woccimmo, oppooch dihemmone; oppoochee kechimmo, ollooch yecheyemmone; ebiyoo shimaajji mallee kello bi qecheetoyich, showee kotoo bi shuuritoyichiye.

Isiyaasi 24:19

Showoo tiishee gaahehe; showoo qewehe.

Isiyaasi 34:4

Shimaajji halleenaꞌo bulli muuyi aallemminaꞌone; shimaayoo macaafee qodoommon qodemmone; woyinee waamonaa balaasee waamona ooyoommon boonoshi daggeexi halleenaꞌo oojjemminaꞌone.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Erimiyaasi 51:1

Doono Yeeri ishichiye: “Baabloonee showoonaa arooch beetinaꞌonochi toommooch aalliibeeti yongoon deejjemmo taane.

Shoosho 1:12

Yerusaalemiyoo ishichiyan: “Gommo besheebeeti asheenaꞌote, Doono Yeerichi kupphe kaaree aabooba duꞌoon ta toommooch deebiꞌi taan bi xuuxiitoommi xuuxo bee ariihe? Ebi ittoshi bullich kette mooyo shaahii beete? Eke ebin manjii ciinote!

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.