Isiyaasi 13:11 - Kafa Linguistics Project

¹¹ Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 13:11 ပူးပေါင်းရင်းမြစ်များ

Iyoobi 40:12

Geecoona kaama ciixee beetinaꞌon ciiniree giishii gittiibe; gonde asheenaꞌon boonoshi beetoochaa yiikkebe.

Shaahiyoo 11:31

Cadiqe asho showee toommoochaa bi shuunee gatiyoon danemmo bi tunegaata, axaaxechonaa xuꞌechona amooniye bi tunemmo!

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 14:21

Boonoshi qaabbechinaꞌochi gondoyich, bi anaami bushiisheenaꞌo guureyemmi xaaꞌoon qanniibote. Ebiyoo tiyi showoon woraashiree, meeti katemoon boonoshi shuuneyaachemmoyichiye” gettemmo neene.

Isiyaasi 14:5

Doono Yeeri, aageteenaꞌon naxoona, kuxeyaani kaaroona yexxiti, xuuxiiꞌi kaaroona hajjiti, gondeenaꞌochi gumboon, iraasheenaꞌochi yaaboonoo tiichitone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 22:14

Beshe Mawe Doono Yeeri bi qelloona taach ishichiye: “Ebi ittoshi axaaxoo ittoshi qitimmi wottoon ittoshich maareyaachemmone” iye Beshe Mawe Nuggishoo Doono Yeeri.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 25:3

Ebich giidechi asheenaꞌo neen oogiyemminaꞌone; maacmanje aageteenaꞌochi katemeenaꞌo neech shattemminaꞌone.

Isiyaasi 25:5

baraheexi gaamoommon, bi tunetoyichiye. No etteenaꞌochi cookoon haweccaayihine; quboo yiireꞌi gaamoon bi aqqaayoommon, maacmanjeenaꞌochi qaaroon cikkaayihine.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 29:20

Maacmanjeenaꞌonaa cooqqirechinaꞌona aallemminaꞌone; gonde shuunechinaꞌo bulli hidaa aallemminaꞌone.

Isiyaasi 29:5

Tunebaani meeti ne etteenaꞌo qacini buttoommon tunemminaꞌone; meeti mulli manjeenaꞌoo beshee hammiibeeti maayi maaxxoochoommon diqqoona aallemminaꞌone.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Isiyaasi 5:15

Asho cooneyemmone; asheenaꞌo giishemminaꞌone; geecechochi qillifoo niremmone.

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Erimiyaasi 48:29

Oogichiꞌi Moꞌabi geecoon, bi yebenoon, kaama bi ciixoon, bi coonderoon, bi miyonoo waayeto noone.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.