Isiyaasi 12:6 - Kafa Linguistics Project

⁶ Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 12:6 ပူးပေါင်းရင်းမြစ်များ

Shoddo 132:14

Biyoo “Hini bulli yemeenoon ta beemi xaaꞌoone; hinin ta shunnetoyich hiniich beeyemmo taane.

Shoddo 135:21

Yerusaalem beeti Doono Yeeri, Tsiyoonaa galleteebe! Haleluya!

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Shoddo 68:16

meeti cullullechi guudinaꞌote, Yeeri beeya kaacciti guudon, qanaatoona ittoshi ciinniibeeto amoyichiye? Ebi arooch Doono Yeeri bulli yemeenoon beeyemmone.

Shoddo 71:22

Ta Nuggishoocho, gibeneeto ne tunetoyich, ooge ximboona neen galletemmo taane. Israꞌeelee Yaafoocho, masinqoona galletee shoddoon neech shoddemmo taane.

Shoddo 89:18

No gaachoo Doono Yeeri nooch immitone; no taatoo Israꞌeelee Yaafoo waanee waatone.

Shoddo 9:11

Tsiyoon beeti Doono Yeerich galletee shoddoon shoddebote; bi shuunoon macceenaꞌo daggooch yibbaatebote.

Shoddo 99:2

Doono Yeeri Tsiyoonaa oogoone; macceenaꞌo bulli toommooch oogetone.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 24:14

Aalloochee muriccii woditinaꞌo emiroona ililemminaꞌone; aabi-gimo waan beetinaꞌo bulli Doono Yeerich oogoon immemminaꞌone.

Isiyaasi 24:23

Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 33:21

Ebi aroochaa, Doono Yeeri ogooge aacinaꞌonaa aachi xuupheenaꞌonoommon tuneree, bi oogee yiiroona noonna tookki beeyemmone; no etteenaꞌochi markabeenaꞌo aree toommona tegaachemminaꞌone.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 54:1

“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 8:18

Ebiyoche taannaa Doono Yeeri taach immiti ta bushiisheenaꞌona, Tsiyooni guudi toommeexi Beshe Mawe Doono Yeer waanee Israꞌeeleenaꞌoyich malletoonaa worganikkiti mooyona noone.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Hiziqeeli 35:10

“ ‘Ebiyoo Doono Yeeri ta arooch ta beetaa, “Ebi gutte showeenaꞌo, Israꞌeelinaa Yihudinon, wotta ebi gutte showee asheenaꞌonoo taacho tunemminaꞌone” ne itoyichiye.

Hiziqeeli 39:7

“ ‘Yaafe ta shigo ta asheenaꞌo tuneti Israꞌeeleenaꞌochi daggooch arichemmoyich tuniyemmo taane; ebiyee bekk yaafe ta shigo naakkemmoyich tuniyaachemmo taane; aageteenaꞌo Doono Yeeri ta, Israꞌeelee Yaafoo ta tunoon ariyemminaꞌone.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Hiziqeeli 48:8

“Yihudichi daaroochee tiijjii aabi-keyoochee aabi-gimooch beddaahaa beeti xaaꞌoon bariyemmo ittoshine; bi maaco hiyaa uuche hume hiroone; bi gidoo aabi-keyoochee aabi-gimooch beddaahaa bare asheenaꞌochi qoodoona tato tunemmone; yaafee kexo ebi xaaꞌee gutte daggooch tunemmone.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Sofoniyaasi 2:5

Baharee gashooch koteti Kereetee asheenaꞌote, ittoshich woowo! Filsixeemeenaꞌo showoo tuneti Kanaanee showooch beetinaꞌote, Doono Yeeri ittoshi toommooch nallitone; koninolla echiyaanoon ittoshin aalliyemmone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 2:9

“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Haddoo 23:21

Gubbich, Yaaqobi toommooch shaggemmi gonde mooyo bekkeyaanoone; Israꞌeel waanoo shaggemmi duꞌo aalloone. Boonoshi Nuggishoo Doono Yeeri boonoshina tookkii beetone; taatoyich ilileebeeti ililoo boonoshi daggoochiye.

Yibbaatoo 23:15

Muusi Israꞌeeleenaꞌoyich ishichiye: “Bare ashi showeexi guuno bi doono waanee aalleꞌi Israꞌeelee showooch bi waagaata, bi doonoyich wochiree immaahine.