Isiyaasi 12:2 - Kafa Linguistics Project

² Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 12:2 ပူးပေါင်းရင်းမြစ်များ

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

Iyoobi 13:16

Yeerich qeyaani asho bi aafooch shagaachemmo bi tunetoyich, ebi aafee kuppho taach wodoon tunemmone.

Shoddo 112:8

Bi etteenaꞌochi dihoon bi beeggimmi wottoon, bi mullo manjoone; shataachemmone.

Shoddo 118:14

Doono Yeeri ta giidoonaa ta shoddoonane; biyoo taan wodiyecho tunehe.

Shoddo 118:21

Ta qolloon ne waayetoyich, taan ne wodiitoyichoo, neen galletehoye.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 65:6

Ne giidoona guudinaꞌon manjiito neene; hakkoonoo ginee qiicoochoommon cuyeto neene.

Shoddo 68:20

No Nuggishoo wodiyechi Nuggishoone; qitoochee no muriccemmoyich tuniibeeto, Nuggishoo Doono Yeerine.

Shoddo 68:21

Tunebaani Yeeri bi etteenaꞌochi qelloon, axaaxee gommoochee wotteyaache ii beetinaꞌochi gijjechi qelloon, kophemmone.

Shoddo 83:18

Ne shigo Doono Yeeri tuneti ne baach, showoo bulli toommooch Beshoo Yeeri ne tunoon ariibeete.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 27:5

Ebi tuno qayigaata, taan deebo yesheete; taanna tookki diggoo hallibeete; taanna tookki diggoo hallibeete” iye.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 38:20

Doono Yeeri taan wodiyemmone; no kashee yemeeno bullin, maqqechi shoddee qiicoona Doono Yeerichi yaafee kexoochaa shoddemmo noone.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 49:5

Doono Yeeri aafoochaa oogoon daneto taane; ta Nuggishoo taach giidoon tunetone; batt ta indee maacooch ta beetaa, bi guuno tuniiꞌi taan kaacciti, Yaaqobin bi waan ta deebemmoyich, Israꞌeelin bi waan ta kicemmoyich tuniiti, Doono Yeeri ishichiye: “Yaaqobichi yoodeenaꞌon wochaa ne tiijjoo, muriccii woditi Israꞌeeleenaꞌon ne wochoo, ebi baach ta guuno neech bedaache; aageteenaꞌoyich neen ceechoo ta tuniitaa, showee toommo bulliich ta wodiyoon bechemmo neene” iye.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 3:23

Guudinaꞌonaa geppeenaꞌonoochaa shahalloyich goyinneebee no dulloona dacheeto noone. Israꞌeeleenaꞌoyich wodoo danemmo no Nuggishoo Doono Yeer waanee baachiye.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Yoonaasi 2:9

Tunebaani ta, neen shoddoona galletebee, neech deejjoon giddiyemmo taane; neech ta mookketi mookkoonoo ceechemmo taane. Wodoo waabeeto, Doono Yeeri ne waaneeniye” iye.

Imbaaqoomi 3:18

ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Yaaꞌoo 7:10

Oogeti qaaroona cookiibee, “Wodiyoo, taatee qeenooch koteti no Nuggishoochonaa Bagoochonane” iyeete.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.