Isiyaasi 11:4 - Kafa Linguistics Project

⁴ tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 11:4 ပူးပေါင်းရင်းမြစ်များ

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

Iyoobi 15:30

Manderoochee muricon hakkaachemmone; bi atoon qaaqqee aaxxo michii aalliiti, bi bungoon yongo holliiti mixoommon tunemmone.

Iyoobi 4:9

Yeeri boonoshin hugaa qiti ciiremminaꞌone; bi kaaree cufoona, ciroona aallemminaꞌone.

Shoddo 110:2

Doono Yeeri ne taatee giidoon Yerusaalemee tiijji gamichemmone; newoo ne etteenaꞌo daggoochaa hajjemmo neene.

Shoddo 18:8

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Shoddo 2:9

Xuuree gumboona boonoshin buriccemmo neene; nuuqqee qiicoochoommon yiikkemmo neene” itone.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 14:30

Amolla aalli girechinaꞌo maayemminaꞌone; gichechinaꞌo carete qeyemminaꞌone; tunebaani Filsixeemo tuneti ittoshi yaroon shaacoona wuxemmo taane; ittoshi curoonoo aalliyemmo taane” iye.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Isiyaasi 26:6

girechinaꞌo baatoona neexxemminaꞌone; gichechinaꞌoo kotemminaꞌone” getteyemmone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 30:28

Bi hiinno qettooch bedditi, hidii daammiibeeti aacoommone; taatittineenaꞌon gemoona woqqoommon woqqi, boonoshi gammooch lugaamoon qapphiiree aallooch daammemmone.

Isiyaasi 30:31

Doono Yeerichi qaaro Asooreenaꞌon keqqichemmone; biyoo boonoshin gumboona yexxemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 32:1

Taatoo cadiqoona iraasheenaꞌoo tatoona qeejjemminaꞌone.

Isiyaasi 32:7

Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 40:7

Doono Yeeri aree toommooch kachimmona mocoo shoolliye; mocee bungoo oojjiye; asho iberoochaa mocoommone.

Isiyaasi 49:2

Ta heciyoon aci goraadoommon tuniihe; bi kishee yiirooch taan aachiye; acheeti shangoommon taan tuniihe; bi gonenoochoo taan aachiye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 33:15

Aroobee yemeenoonaa aroobee aaboonooch, cadiqe ato Daawitich bi atemmoyich tuniyemmo taane; biyoo showee toommooch dayinnetoona, cadiqittinoonoo nallemmone.

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Hosee'i 6:5

Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Milikiyaasi 4:6

Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Mishiraachechinaꞌo 9:1

Ebichi daggooch Sawuli “Boonoshin wuxi ciichemmo taane” iꞌi, Doono Yesuusichi dabbeenaꞌo toommooch daakkii miicheebee, qeeshee guudo waan hammiye.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

Titoosi 3:2

koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Yaaqobi 3:13

Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.