Isiyaasi 11:3 - Kafa Linguistics Project

³ Doono Yeerin bi shatona emiremmone. Bi aafo ciinnitona baach naallaachemmone; bi waamo waayetona baach nalli maacaachemmone;

Isiyaasi 11:3 ပူးပေါင်းရင်းမြစ်များ

2 Saameeli 14:17

“Ta ne gonneyoo ‘Taatoo ta doono ne, deꞌoonaa gondoonon barbariiꞌi ariyoona Yeerichi maraakoommo neene. Ebich taatoo ta doono ne qaaro taan goggiyemmone’ iyaꞌa gabiyoye. Ne Nuggishoo Doono Yeeriyoo neenna tookki tunebe” iyan.

2 Saameeli 14:8

Aroochee taatoo ureen “Ne kexooch wottebe; ta, ta qelloona ne mooyon tachemmo taane” iye.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Taateenaꞌo 3:9

Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

Iyoobi 12:11

Heciyoo maayoon nappheꞌi ariyoommon, waamo yibbaatoon barbariiꞌi ariyaache?

Iyoobi 34:3

Heciyoo maayi shaawon napphee bi ariyoommon, waamo yibbaatoon barbariiꞌi arii beetone.

Shaahiyoo 2:5

Ebin ne tuniigaata, Doono Yeerin shato amo gaata ariyemmo neene; ne Nuggishoon ariyee gommon danemmo neene.

Shaahiyoo 2:9

Ebiyooba cadiqittinoonaa dayinnetoonon, kaamittinoonaa gaawe gommo bullinon shalligemmo neene.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Hiziqeeli 45:8

Ebi xaaꞌoo Israꞌeeleenaꞌo daggooch bi iristoon tunemmone. Iraasheenaꞌo Israꞌeelee macceenaꞌoyich showoon boonoshi yoodi yoodoommona qoodemminaꞌone; tunebaani ta asheenaꞌon ebiyee bekk xuuxiyaachemminaꞌone” iye.

Mikiyaasi 4:3

Biyoo meeti aageteenaꞌo daggooch nalliree, katinoonaa wohonooch beeti, giidechi taatee showeenaꞌo daggooch beeti kaaroon, aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Luqaasi 2:52

Yesuusiyoo Yeerinaa asheenaꞌona naadeebee, ariyoonaa neexoonon daakkii beehe.

Yowannisi 2:25

Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.

Yowannisi 7:24

Kaachiree nallibotalli ashi aafoon ciiniree nalliyaahote” iye.

Hibireena'o 5:14

tunebaani kupphe maayo qaawiibeeto, gaawetonaa gondoonon bariiꞌi doyiti, mullechi, ariiti asheenaꞌoyichiye.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.