Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isiyaasi 11:2 - Kafa Linguistics Project

2 Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

အခန်းကိုကြည့်ပါ။ ကော်ပီ




Isiyaasi 11:2
27 ပူးပေါင်းရင်းမြစ်များ  

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,


Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.


Bariti hakkoo boonoshich bi beeyemmoyich ta tuniiti, kishee shuunee ariyechi asho bullin ceegiree, Harooni qeeshoo tuneree taach maddeya bi yaafeyemmoyich, ebi tahoon boonoshi shuunemmoyich gete.


Nallee gabberooch kotetoyich kaachii nallee ayaanoon, katemee uxeree kelloon ginoochee quyee beetinaꞌoyich hakkoon immemmone.


Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.


Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.


“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.


Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.


Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.


Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.


Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.


Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.


Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.


“Nihoo Yeer waanee ittoshich ta deejjemmi Kupphiyecho, iberoon bekkiibeeti Ayaano, Nihoo Yeer waanee kechiꞌi bi waahooba, aroo taachon miixemmone.


Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.


Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.


Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.


Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.


Muusi bi qitoyee shiichiꞌi, bi kishoon Nuuni bushoo Yaasichi shimbooch kotiiꞌi, bi keroon bi ukkiriitoyich, Yaasi shalligee Ayaanoona ceennitone. Israꞌeeleenaꞌo, Doono Yeeri Muusich gettitoommon tuniiꞌi, bi getoon waayeheete.


Yeeri nooch bi immiti Ayaano giideechonaa shuneechona, qellee quyeechoonalli, shatti ayaano toonoone.


Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ