Isiyaasi 11:16 - Kafa Linguistics Project

¹⁶ Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 11:16 ပူးပေါင်းရင်းမြစ်များ

Keyo 14:22

Baharee aaco Israꞌeeleenaꞌochi qanninaa yoochinooch daabboochoommon neexeꞌi bi beetaa, baharee daggeexi shuuꞌi showoona kimmiyeete.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 10:20

Aroyee gubb, Israꞌeelee cureenaꞌo, Yaaqobi yaroochee muriccitinaꞌo, boonoshin aalliiti Asooreenaꞌon gibeneyaachemminaꞌone; tunebaani Israꞌeelee Yaafoo Doono Yeerin iberoona gibenemminaꞌone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 19:23

Arooba Gibitsee showoochee Asooree showooch gamini gommo kechemmone; Asooreenaꞌo Gibitsee showooch, Gibitseenaꞌo Asooree showooch hammemminaꞌone; Gibitseenaꞌonaa Asooreenaꞌona ikkotteree goyinnemminaꞌone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 49:11

Ta guudinaꞌo bullin gommo tuniyemmo taane; ta gomminaꞌoo kaama ceennemminaꞌone.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 57:14

Ishicheyemmone: “Tachibote, tachibote! Gommon tachibote! Tephemmi mooyo bullin ta asheenaꞌochi gommoochee wokkiibote” getteyemmone.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.